坊間有不同的麻糬波波食譜,如有芝士麻糬波波、朱古力麻糬波波、抹茶麻糬波波等,今次就教大家另一款口味──「伯爵茶麻糬波波」,用上木薯粉製作夠煙韌,另外亦會解拆一下麻糬波波失敗原因,而且這個麻糬波波食譜更不用泡打粉都可以成功脹起,馬上看看這個零失敗麻糬波波食譜啦!
-
準備時間
1小時內 -
份量
3-4人
- 高筋麵粉: 30克
- 木薯粉: 120克
- 牛奶: 150克
- 糖: 25克
- 無鹽牛油: 30克
- 伯爵茶茶包: 2個
- 蛋: 1隻
- 朱古力粒粒: 20克
麻糬波波食譜有的人會用糯米粉,有的則會用麻糬波波預拌粉,而今次就會用木薯粉製作,口感會更煙韌好味。有部分人製作麻糬波波時會出現「焗唔起」或變扁身曲奇的形狀,其實麻糬波波失敗原因關鍵在於第一步加熱高筋麵粉的過程,對新手而言較難掌握其溫度而導致麵粉「一舊舊」。
因此較簡單而不失敗方法是,可先試試混合牛奶、麵粉、糖,小火加熱鍋後放入牛油至完全溶解,然後才把牛奶溶液、伯爵茶放入,杰身後馬上離火加入木薯粉搓成麵團,這個方法可增加成功率。
第二個麻糬波波失敗原因關鍵在第三步加入蛋液,這個步驟就是取決麻糬波波能否成功脹起的因素,加入蛋液時不可一次過加入,反而可分幾次讓麵團可以慢慢吸收。
步驟:
1. 混合牛奶、糖、牛油、伯爵茶,小火加熱,期間記得不停攪拌
(*新手建議先混合材料才放入鍋中加熱攪拌,杰身後再加入木薯粉,以防加熱溫度過高而出現「一舊舊」的情況)
2. 牛奶出冒出細小的泡後關火,加入高筋麵粉、木薯粉搓成麵團
3. 逐少放入蛋液和朱古力粒
4. 在烤盤上唧出成圓形,放入已預熱180焗爐烤焗15-20分鐘
完成啦!麻糬波波茶味十分濃郁,而且外脆內軟,口感煙煙韌韌,用來當作下午茶茶點一流,喜歡吃伯爵茶甜品的朋友,就可以在家中試試整啦!
抗疫期間多咗時間入廚?有無相機食先!
即日起至3月13日,喺U Lifestyle App《社群》專區分享您嘅「居家菜式靚相」!就有機獲得超級市場$50現金券!《按此立即分享》
即睇活動詳情:https://bit.ly/3LPQoUA