新年開個靚頭!用3款日本開運魚煮出好意頭Fusion菜

發佈: 2021.02.02
文: U Food

唔使去日本,喺香港都經常食到新鮮日本魚,而疫情底下,更多人選擇喺屋企自己煮,你以為煮日本魚好難?其實都好easy!臨近新年,今次就特別請來美女廚神Kit Mak,教大家炮製4款用「日本開運魚」入饌嘅好意頭菜式!做法簡單,幾個步驟就可以做出有日本風味又夠中式意頭嘅料理,即刻睇吓有咩特別啦~

食譜詳情:https://rebrand.ly/Ufoodjfoodoarticle

 

「長壽富貴」開運魚—鯛魚

鯛魚係日本人祝願「長壽富貴」嘅象徵,一直廣受喜愛,每逢喜慶場合都不可缺少。對於容易攝入過高卡路里嘅現代人嚟講,高蛋白、低卡嘅白肉鯛魚係製作健康餐嘅不二之選。而鯛魚亦富含天冬氨酸,據說有效提升幫助對抗疲勞嘅抵抗力,食完即時元氣滿滿。

新年開個靚頭!用3款日本開運魚煮出好意頭Fusion菜

3款日本開運魚都有其開運福將(吉祥物),而鯛魚因為長壽嘅關係,會作為人生前輩提出詳細建議。手持住模仿幸運物昆布製成嘅權杖,可進一步為大家帶來好運。

新年開個靚頭!用3款日本開運魚煮出好意頭Fusion菜

鯛魚「噌」壽湯,即用日本開運鯛魚做嘅味噌湯,配搭清熱消滯嘅蘿蔔,清甜易做又低卡,5分鐘就完成。而味噌嘅「噌」同「增」同音,取其「增壽」意思,飲完就可以延年益壽。

 

「出人頭地」開運魚—油甘魚

香港人成日都食油甘魚,但原來油甘魚喺日本被稱作「出世魚」,因為佢成長時嘅名會不斷改變,係視為「出人頭地」嘅象徵。而油甘魚嘅脂肪中富含DHA同EPA,有激活腦部及預防生活習慣病嘅功效。而由於油甘魚含有豐富煙酸,煙酸據說有助激活分解酒精中嘅酶,所以飲酒時配油甘魚食都係唔錯嘅選擇呀!

新年開個靚頭!用3款日本開運魚煮出好意頭Fusion菜

油甘魚開運福將充滿自信,會不自覺地想同其他人分享自己獨有嘅成功經驗。手持嘅萬寶槌可實現人們快速出人頭地嘅願望;而麻葉花紋嘅造型則可驅散妨礙出人頭地嘅霉氣。

新年開個靚頭!用3款日本開運魚煮出好意頭Fusion菜

升「漬」油甘魚片,一睇就知係有「升職」之意,升職加薪絕對係打工仔新一年嘅期許。只需調較好醬汁,將日本開運油甘魚漬醃,豐富魚油香,配上酸爽去膩嘅天然青檸漬醃汁,非常開胃。

 

「順風滿帆」開運魚—帆立貝

原來日本新年料理經常會用到帆立貝,因為佢嘅形態就好似海上揚帆向前嘅船,係代表「順風滿帆」嘅象徵。而帆立貝富含鐵同鋅等礦物質,以及維他命B群等,具豐富營養價值;更有消除疲勞嘅「牛磺酸」,用作火鍋同湯嘅配料可以有效攝取其養分。

 

新年開個靚頭!用3款日本開運魚煮出好意頭Fusion菜

帆立貝開運福將喺工作及生活上都非常順利,因此面對任何事都樂觀又豁達。手持扇形展開嘅吉祥扇子,撥起順風;擺動帶有箭翎狀花紋嘅身體,向成功邁進。

新年開個靚頭!用3款日本開運魚煮出好意頭Fusion菜

豆乳帆立貝萬事如「意」,用日本開運帆立貝做主角,配上豆腐製成嘅特式「意」粉汁,做出特別fusion意粉,清香爽滑,味道口感都ICHIBAN!除咗順風之意,仲有「萬事如『意』」,祈願食完可以催旺人緣、如願以償。

 

新年一定要「撈起」

Kit Mak特別用用齊「長壽富貴」「出人頭地」「順風滿帆」嘅3種日本開運魚製作錦繡刺身黑松露撈「喜」丼!加入黑松露嘅獨特香氣,令魚生鮮味大提升!寓意上,「起」同「喜」發音相同,意頭吉利。加埋食前挑起食材嘅動作,象徵步步高升,越撈越起。

 

日本開運魚食譜詳情:https://rebrand.ly/Ufoodjfoodoarticle

更多日本美食資訊:https://rebrand.ly/UFoodJFOODOFB

日本開運魚影片教學:https://rebrand.ly/UFJFOODOyoutube

 

資料由客戶提供

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more