8款麻糬波波做法合集 朱古力／抹茶曲奇／伯爵茶／芝士

麻糬波波口感Q彈有嚼勁，而且款式變化多，可以隨意配搭不同的食材，是近年大熱的甜品之一。今次就為大家整理出8款口味的麻糬波波食譜，包括朱古力、抹茶、芝士等，每款步驟都非常簡單，加上零失敗秘訣，大家都一起試做吧！

麻糬波波食譜1. 抹茶曲奇脆皮麻糬波波

流心朱古力抹茶脆皮麻糬波波食譜，內附零失敗麻糬波波秘訣！面頭酥香菠蘿曲奇脆皮，咬下煙韌，裡面還有流心朱古力爆漿餡三重口感！甘味抹茶加朱古力流心，煙韌控不妨試試啦～

抹茶曲奇脆皮麻糬波波做法：

1. 先做脆皮。牛油與糖打發，加入低筋麵粉、抹茶粉成曲奇團。包在保鮮紙內塑性成長條。冷藏20分鐘。

2. 混合牛奶、高筋麵粉、抹茶粉。加熱牛油、糖，倒入混合物。

3. 煮成團，關火落木薯粉搓成麵團到光滑。

4. 逐少放入蛋液，質地成倒三角形。放入擠袋，擠在牛油紙上。

5. 預先擠少量，放上朱古力，然後再繼續擠直到朱古力覆蓋。

6. 曲奇團切片，放在糰子面頭。入焗爐180度烤焗20-25分鐘即成。

 

麻糬波波食譜2. 焙茶黃豆粉脆皮麻糬波波

麻糬波波口感煙韌Q軟，和風的焙茶口味，再配酥脆黃豆粉曲奇菠蘿皮，茶控一定大愛！大家都不妨在家裏挑戰一下脆皮麻糬波波啦~

焙茶黃豆粉脆皮麻糬波波做法：

1. 先做脆皮。牛油與糖打發，加入低筋麵粉、黃豆粉成曲奇糰。放在保鮮紙搓成麵圓柱體，冷藏20分鐘，切片備用。

2. 做麻糬波波。混合牛奶、高筋麵粉、焙茶粉。加熱牛油、糖，倒入混合物煮成團。

3. 關火落木薯粉搓成麵糰。

4. 逐少放入蛋液，質地成倒三角形。放入擠袋，擠在牛油紙上。

5. 曲奇團放面頭。入焗爐180度烤焗20分鐘。

6. 最後撒上黃豆粉即成。

 

麻糬波波食譜3. 菠蘿脆皮朱古力麻糬波波

將大熱菠蘿皮麻薯波波還原，做出曲奇外皮酥脆，裏面煙煙韌韌，幾重驚喜口感的朱古力麻糬波波！仲有麻糬波波零失敗貼士。對排隊感卻步的朋友，不妨試下這個自家製脆皮麻糬波波食譜啦！

菠蘿脆皮朱古力麻糬波波做法：

1. 牛油放室溫解凍，與糖打發到變軟，加入可可粉，混合低筋麵粉成曲奇團，冷藏備用。

2. 先混合牛奶、可可粉、高筋麵粉。小火加熱牛油，加入可可混合物煮熟成團。關火後快手落木薯粉，搓成麵團。

3. 先混合牛奶、可可粉、高筋麵粉。小火加熱牛油，加入可可混合物煮熟成團。關火後快手落木薯粉，搓成麵團。

4. 烤盤上唧出成圓形，面頭點少少水。曲奇團拿出一小部分，放在牛油紙上，上面叠多張牛油紙，壓平。將曲奇皮放上麻糬波波團面頭。入焗爐180度烤焗30到35分鐘即成。

 

麻糬波波食譜4. 伯爵茶麻糬波波

伯爵茶麻糬波波用上木薯粉製作夠煙韌，而且這個麻糬波波食譜更不用泡打粉都可以成功脹起，馬上看看這個零失敗麻糬波波食譜啦！

伯爵茶麻糬波波做法：

1. 混合牛奶、糖、牛油、伯爵茶，小火加熱，期間記得不停攪拌。

2. 牛奶冒出細小的泡後關火，加入高筋麵粉、木薯粉搓成麵團。

3. 逐少放入蛋液和朱古力。

4. 在烤盤上唧出成圓形，放入已預熱180焗爐烤焗15-20分鐘即成。

 

麻糬波波食譜5. 天仁茗茶913烏龍茶麻糬波波

麻糬波波一向深受大家歡迎，作為一個茶王，不如試試加入913烏龍茶整茶味的麻糬波波啦！只需簡單的食材就可以做出同麵包店一樣好吃的煙韌、口感Q彈的麻糬麵包。

天仁茗茶913烏龍茶麻糬波波做法：

1. 913茶葉磨成粉後過篩，鍋子內放入牛奶、牛油、糖、鹽、茶粉，加熱到牛奶微微起泡。

2. 加入過篩後的高筋麵粉快速攪拌均勻，再加入木薯粉拌勻至無乾粉的麵糊狀態，然後加入蛋漿拌勻。

3. 麵糊加入朱古力粒拌勻倒入擠花袋，在牛油紙上擠出麻糬圈約5公分大小，放入預熱焗爐180度焗20-25分鐘即成。

 

麻糬波波食譜6. 軟心芝士麻糬波波

麻糬波波煙煙韌韌，深受不少人歡迎，但其實原來要動手做都不複習，而且簡單易做，今次就教大家整這個軟心芝士版本，芝士味道相當濃郁，各位芝士迷真的要試試呀！

軟心芝士麻糬波波做法：

1. 混合糯米粉、木薯粉、芝士粉、牛油、雞蛋攪拌混合。

2. 分次加入牛奶，搓成粉團。

3. 將粉團拉長，分成小份。

4. 壓平粉團，加入芝士。

5. 搓成小圓球，可在表層灑上芝士粉，放入已預熱180度的焗爐，烤焗20分鐘。

 

麻糬波波食譜7. 抹茶麻糬波波

近期港人都十分熱愛口感煙韌的麻糬，但其實麻糬除了可以當甜食之外，都可以試試整外脆內軟的麻糬波波，而且做法非常簡單，所以今次便特別教教大家抹茶口味，不妨在家也試試動手製作吧！

抹茶麻糬波波做法：

1. 先將木薯粉、抹茶粉混合。

2. 把鹽加入牛油中熱溶，然後混入粉末中，加入雞蛋後攪拌混合。

3. 可按粉團濕潤程度加入適量牛奶，再搓成粉團。

4. 把粉團搓成小圓球，放入180度的焗爐中，烤焗大約15-20分鐘。

 

麻糬波波食譜8. 爆漿朱古力麻糬波波

麻糬煙煙韌韌，非常有口感，因此成為了新一代熱門美食，但其實自己動整都十分容易，今次就教教大家一個爆漿朱古力的版本，煙韌的麻糬波波配上十分濃郁的朱古力，完成後更會有點髒髒包的感覺，各位新手大廚快點試試啦！

爆漿朱古力麻糬波波做法：

1. 將糯米粉、木薯粉 、可可粉、牛奶、雞蛋、牛油混合。

2. 加入朱古力粒。

3. 將粉團拉長，分成小份。

4. 搓成小圓球，放入已預熱180度的焗爐，烤焗20分鐘。