text│Amy photo│Kent
天氣漸熱，胃口欠佳，好想吃點涼浸浸的前菜開開胃，醉物就是其中一個好選擇。不過，醉物出街買
不便宜，又有可能會加入添加劑；當然也可買現成醉汁返屋企浸，但味道單調無性格。其實要做好味
的醉物不難，今次就請來酒店大廚施超群師傅傳授幾個酒浸美食小貼士，掌握當中技巧，做醉雞、醉
蝦、醉蛋、醉海鮮都啱用㗎！
施超群師傅
帝苑酒店東來順行政總廚
Tips：醉汁浸過食物後，不建議重用，因用過的醉汁酒味會減弱，亦有機會
浸入了其他食材的味道，令食物滲入雜味。
Q1：製作醉汁會用甚麼材料？
A1：調製醉汁好視乎個人口味，不同人會有不同的配方。醉汁一般會用上花雕酒、玫瑰露、糟滷等，個人認為海鮮與玫瑰露味道比較搭調，而浸肉類，醉汁則不妨混入點 XO。
Q2：醉物是不是浸得愈耐愈好？
A2：不是，因浸泡時間過長的話食材會變得苦澀。基本上，將食材浸過夜就可以，如想酒味濃一點，可浸 2-3日。如果食材已泡了 2-3 天仍未吃完，可以把醉汁倒掉，把食材移到密實盒雪藏，但宜盡快享用。
酒浸食物常用酒類
Q3：是不是所有食材都適合用來做醉物？
A3：基本上大部份海鮮、肉類及瓜果都可以用來做醉物。不過如食材本身太濃味的話，例如榴槤，用來做醉物酒味與食材味就會有衝突，所以並不適合。另外太軟腍的蔬菜，如茄子及有葉蔬菜，浸酒後會令食材過腍，口感並不討好，酒汁的味道亦會過分滲入食材之中，所以都不合適。
Q4：浸泡醉物想更入味，斬切時有甚麼技巧？
A4：如果食材太大件或太厚身，浸泡時有機會令酒味難以滲入中心，做成外圍有酒味、中心不入味的情況。所以處理較厚身的食材，如鮑魚、雞髀等，可在食材上鎅幾刀令酒味從切口中滲入。而做蔬果類的醉物，如醉雪梨、蘿蔔等，建議可切成像骰子般大小。
