暖笠笠薯仔粟米濃湯食譜 簡單3步煮好香甜濃滑西式餐湯

發佈: 2022.04.01
文: 蘇潁琦

粟米營養好處多,除了粟米蛋花湯,今次教大家整西式粟米濃湯食譜!罐頭粟米湯雖然方便,這道薯仔粟米濃湯材料亦簡單,用牛奶取代了忌廉更健康,沒有攪拌機可用粟米蓉代替,粟米湯味道香甜creamy,小朋友一定鍾意。粟米濃湯飽肚又簡單,近排天氣寒冷,飲啖熱辣辣comfort food一流!新手零失敗都做到,你都快點試試啦!

  • 準備時間
    30分鐘內
  • 份量
    3-4人
  • 粟米(取粒): 2條約500克
  • 洋葱(切粒): 一個
  • 煙肉(切小塊): 3片
  • 薯仔(切粒): 1個
  • 牛奶: 500ml
  • 雞湯: 500ml
  • 麵粉: 2湯匙
  • 蒜蓉: 1湯匙
  • 百里香: 1茶匙
  • 番茜: 適量

【粟米湯】暖笠笠薯仔粟米濃湯食譜 簡單3步煮好香甜濃滑西式餐湯

牛奶粟米濃湯做法:

1. 將一半粟米和部分牛奶打成蓉。

2. 煎香煙肉拿起備用。原鍋炒香洋蔥至變軟有香味,加入蒜蓉和百里香。

落麵粉炒勻,慢慢落雞湯和牛奶,攪拌至順滑沒有顆粒,湯會明顯變厚身。

3. 加入粟米粒和粟米蓉,放入薯仔粒,蓋蓋子小火煮10分鐘將薯仔煮軟熟,期間需要不時攪拌以防薯仔黏底。

最後落番茜。上碟後撒上脆煙肉和黑胡椒即成。

*如果不想買新鮮粟米拆粒,也可以用2盒市面上的粟米粒代替。

【粟米湯】暖笠笠薯仔粟米濃湯食譜 簡單3步煮好香甜濃滑西式餐湯

完成了!健康版的忌廉粟米濃湯雖然用了牛奶代替,大大減少了西餐白湯的那種邪惡感,但仍然不失香滑,面頭的脆煙肉增添香氣,還咬到一粒粒薯仔粒,超級足料飽肚,又濃又香甜大人小朋友都一定喜歡!

 

同場加映:Rasonic輕便式電磁爐

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more