聖誕節就到,當然要準備聖誕大餐!早前外國興起朱古力星星扭紋麵包,賣相充滿節日氣氛,聖誕食譜不如做簡單版朱古力榛子星星扭紋酥!簡單酥皮食譜只有Nutella、急凍酥皮2種材料,味道十足似豪華版朱古力牛角包,酥脆又香甜。星星扭紋酥只看外形就已經非常吸引,其實做法超容易新手不敗,快點跟著下步驟試試吧,用來做野餐小食都好適合!
-
準備時間
30分鐘內 -
份量
4人以上
- 急凍酥皮: 4塊
- 朱古力榛子醬: 約4大湯匙
- 蛋: 1隻
朱古力星星扭紋酥做法:
1. 4塊急凍酥皮剪裁成圓形,搽上朱古力榛子醬,重複3次到蓋上最後一塊。
2. 將杯子放在正中間,切成16等份,用對角切的方法會比較平均。
把其中兩端向外扭兩次,然後曡好尾端,做8次成八角星。
3. 掃上蛋液,放入預熱焗爐170度烤30分鐘,若不夠金黃色可以調高至180度焗多5分鐘。
完成了!朱古力榛子星星扭紋酥外形超靚,非常有驚喜啊!只要跟著以上的步驟,一點都不難做。原版的朱古力星星麵包在外國已經流行了一段時間,但自己整麵包難度較高,這次改良版以急凍酥皮代替手作麵包,做法更加簡單,酥皮在超市已經買得到。星星扭紋酥睇得又食得,香甜酥脆,一於book mark定,做聖誕party小食啦!
同場加映:NESCAFÉ 迷你咖啡機系列