大隻仔溫家偉 (Alan) 跟 MC Jin 都是由紐約回來。原來事實係他的胃口同胸肌一樣大，行行下街都可以隨手買個 8oz 漢堡當零食。
Alan's Top 3
「好難揀，頭三位係叮噹馬頭，pizza、三文治同墨西哥卷三樣嘢都唔知點排好。薄餅同三文治返到香港都搵得到，反而 burrito 同 tacos 喺香港就好難搵到，所以最掛住係呢樣。總之返親美國我都會狂食，次次都肥 10 磅返嚟，經理人每次都鬧。」
Alan's 愛重口味
「點解我咁鍾意食墨西哥卷？因為佢夠重口味囉，我好鍾意食辣同食 Sauce，同我食量都幾大，墨西哥卷可以畀我揀好多料同好多醬嘛，基本上我食墨西哥卷一定係揀牛肉味，仲一定要加晒芝士、番茄、芫荽、牛油果醬同酸忌廉，最緊要多醬，一定唔可以漏咗最鍾意食嘅墨西哥辣椒 Jelopeno，最好超大個又重口味，咁我就最 like。」
Alan's 快餐大食精
「喺美國住嘅日子，我真係可以由午餐到下午茶到晚飯都食 fast food，而且仲食得幾狼，唔理我有無食正餐，只要我喺街頭見到 food truck 我就會衝埋去排隊買嚟當零食。我記得喺紐約，逢星期二 Subway 就會有買一送一優惠，我每星期例牌幫襯。我又特別鍾意幫襯一間叫 Chipolte 的墨西哥卷店，因為佢哋啲 burrito 同 tacos 出名夠大份，比今日試嘅仲要大 1/3，我試過同朋友打賭食 2 個，真係飽到上喉嚨椗。」
大隻仔嘅肌肉應該係嚟自 fast food，拍攝當日就吃了 2 條 burrito 加 2 個 tacos，真心鍾意食。
「墨西哥卷裏面啲餡整得好好食，牛肉同豬肉都超入味又唔會乾爭爭！」
Bowl & Salad $58-68
同樣的餡料放在外賣兜內做成墨西哥飯，不要飯又可改成沙律，配搭好多變。
Asian Beef $68 條
一條可切成兩段，美國牛肉與冬菇、麻油、薑、蒜等慢煮 6 小時，肉質鬆化帶甜，煙韌的餅皮和豐富的配料用錫紙裹實，吃起來好方便。
Little Burro
地址：銅鑼灣禮頓道 125 號地下
電話：2336 3909
(原文摘自《U Magazine》文：sieg、圖：邱鴻基)
