素食大流行,素食店愈開愈多,最新一員有 Ateen。這家非牟利社企素食店,聘請了一群癌症康復者、單身家庭人士當員工,希望以大愛精神,為他們人生路上燃起曙光。
大廚 Keith 跟店主們對推動素食也有使命感。他茹素 3 年,明白非素食者怕素食淡口寡味的心態,所以設計菜式下了一番心思,希望憑創意吸引人。好像糖醋松子茄子,先將茄子切坑紋,然後炸至像松子桂花魚,刺激食慾。另一道牛肝菌意粉,加腰果醬炒,每條意粉掛汁香噴噴。
他崇尚天然素食,棄用現成加工製品,寧願不嫌煩,甚麼都自製。像牛蒡丸,加金菇、雞髀菇搓成,彈牙菌味濃;咕嚕玉以麵粉、生粉和馬蹄扮成,煙煙韌韌,伴士多啤梨糖醋汁,酸甜開胃﹔又會花心機自製濃醬,替淡味食材添上香濃惹味,如仁稔醬配蒸豆腐、素 XO 醬炒雜菌法邊豆。加上色彩繽紛的配料,少油少鹹得來也能色、香、味俱全。平日 lunch 好抵食,$38 三餸連滋潤湯水,白飯任裝。晚市設 2 至 6 人套餐及私房菜,每人夾百多二百元而已,值得素食迷捧場!
仁稔醬蒸豆腐(私房菜)
自製仁稔醬酸味重帶微甘,配清淡滑豆腐最夾。
士多啤梨咕嚕玉(私房菜)
自製素排骨煙韌,咬感十足,糖醋汁甜酸鮮香。
A 田拼盤
秋葵配日式麻醬:加了花生醬和煉奶,更濃味。
紅菜頭沙律:切絲後蒸,用紅菜頭汁做沙律醬,鮮甜清爽。
貓耳朵:雲耳伴鎮江醋、茄汁和麻油,爽口清新。
炸牛蒡丸:加入金菇和雞髀菇,添上菌香,彈牙不油膩。
XO 醬邊豆炒雜菌
有磨菇、草菇、秀珍菇、靈芝菇、鮮冬菇,滲微辣菌香。
自製素 XO 醬 $60 / 樽
用金菇、冬菇、榨菜、辣椒、磨豉醬、咖喱粉等 12 種材料炒製,甘香惹味。
自製仁稔醬$120 / 樽
仁稔加切粒紫薑和甜麵醬,炒足個多鐘而成,濃酸醒胃,配蒸茄子也不錯。
Ateen 社企素食
地址:長沙灣青山道 489-491 號香港工業中心 A 座 2 樓 A13 室
電話:2776 6290
營業時間:11:30am-10pm(星期日休息)
收費:現金,免茶芥加一
交通:港鐵荔枝角站 C 出口
泊車:華創中心 $17/hr
平均消費:午市 $40、晚市 $130
備註:私房菜 9 道菜,每位 $200,6 位起,須一天前預訂
(原文摘自《U Magazine》)