早前已經為大家介紹過一田新超市，其中一間萬眾期待的、全球首間的 Kumamoto Cafe 終於開業。今次特別跟 izumi curry 的升級版「izumi kitchen」 crossover，粉絲終於可以唔使齋等 promotion、限定 pop up store，一年四季都見到超萌的熊本熊！
話明以Kumamon 做主角，門口已經有大大隻的廚師造型 look迎接客人，店內本身也採用光猛清新的和洋風設計，加上顏色繽紛的菜單、米白色的店舖布置、結合卡通圍裙的員工制服、得意主題餐具等，都散發著輕鬆悠閒的感覺。食物方面，這裏吃的是西日口味，既有連飲品及甜品的套餐，也有散點。少不了一系列改良自 izumi curry 的咖喱菜式，如奄列吉列炸蝦咖喱飯、溫泉蛋海鮮咖喱炒飯。Cafe 同時選用多款熊本縣時令的農產物入饌，如米、車厘茄、士多啤梨、牛奶等，令菜式更添地道風味。店內也增設不少 izumi curry 的食物，如草莓朱古力蛋糕、蛋奶布丁；想吃正餐的，亦有沙律、漢堡包。遇上用紫菜製作出大頭 Kumamon 造型圖案的菜式，真係記得要手機叉夠電連環拍。喜歡打卡的客人，更可以瞄準餐墊上的 QR Code，下載手機拍照程式跟部長玩 sefi！
食飽飽，別忘了店內還設有精品專區，全部都是從日本空運到港，不少更屬於新品，好像立體水樽、錢箱等。由即日起至 11 月23 日，只需在 Kumamoto Cafe 精品區或一田觀塘店超市購物滿 $300 起，更可免費獲贈扣針、杯碟套裝甚至限量版 YATA X KUMAMOTO KUMAMON圍裙，手快有手慢無呀！
Kumamon の定食 Set A (芝士漢堡扒、煎蛋) $148
芝士漢堡扒接照秘製比例混合了牛肉和豬肉，食起來香口又夠 juicy，另跟田園沙律、脆底太陽蛋和小飯糰。
Kumamon の太陽蛋炸雞肉飯 (連飲品及甜品) $138
淋上日式甜醬的炸雞件、蛋沙律、胡麻醬沙律，以及煎至脆底的流心太陽蛋，還有用芝士和紫菜製成的 Kumamon 大頭樣！
熊本產奄列吉列豬扒咖喱飯 連飲品及甜品 $148
無論是雞蛋、豬扒、車厘茄以至白飯，都是熊本縣特產，咖喱汁的口味則比 izumi curry 略為輕怡，依然有點點少辣刺激。跟配的是龍蝦湯。
草莓熱香餅配迷你軟滑雪糕 $79
夾著草莓和忌廉的熱香餅香甜軟綿綿，與雲呢拿雪糕幾時都是 perfect match！
店內設有精品售賣區，種類繁多，唔講唔知原來 yata 是本地唯一一間獲日本官方認可發售 Kumamon 產品的代理商！
Kumamon 環保購物袋 $69
Kumamon 立體水樽 $35
Kumamoto Cafe
地址：觀塘道 418 號 apm LG/F 一田超市
電話：2803 9188
營業時間：10am-11pm
(原文摘自《U Magazine》)
