2013 年令拉麵迷最瘋狂的，就是一蘭由日本開到來香港開店。事隔兩年，又有好消息，就係一蘭竟然親民到入埋大家屋企！何解？因為品牌即食麵正式在香港推出，以後不用踏出家門半步，就可以食到豬骨濃湯拉麵。
這包即食麵最先在日本福岡縣分店限定發售，賣咗無耐就被名人在網上大力推介，最難得係，香港成為日本以外第一站銷售點，香港人怎可以錯過此機會？
這包即食麵的價錢雖然比普通丁麵貴 n 倍，一 pack 5 包，平均一包要近 $40，貴就貴在麵、湯底和香料。湯底經過多年研究，豬骨味香濃到不得了，幾乎接近在店內食的水平；調味料包由好多香料炮製成，層次味道豐富；麵條睇落好普通，但其實係用高質麵粉做，一句講晒，打造的是超班即食麵。
猜不到就連平時在店內剔剔的湯底濃度、辣度、麵條硬度，都可以自己話事！包裝有教大家如何控制煮的時間、調味、水下多少，想煮出心水拉麵的煙韌度 so easy！煮出來麵的分量細過一包丁麵，凍凍哋晚夜宵夜就啱啱好。不過，此即食麵暫時未打入超市，只限銅鑼灣店中發售，想試還是要專程行一趟。
天然豚骨拉麵專門店一蘭
地址：銅鑼灣謝斐道 440 號駱克大廈 A 座地下 H 及 I 舖
電話：2152-4040
營業時間︰24 小時
