Special 新新新口味！
亞麻籽綠茶棗皇糕 HK$148/盒
隆濤院推出新春健康之選 - 亞麻籽綠茶棗皇糕！亞麻籽含有豐富奧米加三脂肪酸，能保護心臟及有效降低膽固醇，配上口感清新嘅綠茶和香滑濃郁嘅棗蓉，咬起嚟有微微嚼勁，令人欲罷不能！
隆濤院
地址：九龍尖沙咀廣東道2A號「1881」Hullett House 花園樓層
電話：3988-0107
電郵：loongtohyuen@hulletthouse.com
有機紫米黃薑糕 HK$168/盒
以石磨將有機紫米以及有機黃薑磨成粉，令糕身蒸熟後比一般的來得更軟滑幼細，再加入椰漿，既減輕黃薑固有嘅草青味之餘，更提升咗年糕的香滑感。而且，紫米含豐富礦物質、纖維，具補血養氣等功效，而黃薑能驅寒、抗氧化，天然有益，在寒冷的新年期間食用，大有補氣暖身之用。
紅男綠女糕 HK$168/盒
嚴選歐盟進口有機大紅豆，以乾濕兩蒸方法分階段蒸煮紅豆，使入口時仍可吃到粒粒紅豆肉。而糕底則以日本綠茶粉製作，配以適量比例嘅特選綠豆粉及馬蹄粉，突顯紅豆味之餘，又令年糕添加爽口彈牙感。最重要的是，食落唔會太甜膩，紅豆餘香過後，又緊隨著淡淡綠茶味。
龍門海鮮酒家
地址：鯉魚門海傍道西20號地下
電話：2717-9886
卡哇依 Hello Kitty & Dear Daniel
鮮甜水果口味 Hello Kitty & Dear Daniel 賀年禮盒 HK$98
附有 Hello Kitty & Dear Daniel 別緻可愛造型鐵盒，內附燕窩楊枝甘露糕 及 山楂草莓乳酪糕 各 1 個 (淨重：各380克)
鴻福堂全線分店
國家級美食 Crossover！
芝士 X 年糕 雙重“芝”味 HK$82
有冇諗過當兩款不同口感的芝士結合，加上傳統嘅年糕，會帶嚟點樣嘅味道呢？今年，東海堂推出全新嘅“芝士年糕”，當中包含咗 Mozzarella 芝士及車打芝士夾層，融於和式年糕當中，微微煎香一下，馬上就能感受到芝士的濃郁香味，令人回味無窮！
東海堂
Kimchi式 蘿蔔糕
龍門韓熱蘿蔔糕 900g HK$108
以韓式滋味配合中國傳統糕點，製出【龍門韓熱蘿蔔糕】。以上等臘肉，生曬蝦米及新鮮蘿蔔粗幼絲，均勻地混入用韓式鮮蝦醬自家醃製嘅韓式泡菜醬而成，並掌控醃製及發酵時間，入口時鮮中帶辣，辣味不會持久不散，更合香港人口味。泡菜蘿蔔糕切片後經慢火煎香，更添風味。
龍門海鮮酒家
地址：鯉魚門海傍道西20號地下
電話：2717-9886
沖繩黑糖 年糕
沖繩黑糖椰汁年糕 HK$248
用上味道濃醇的沖繩黑糖，為傳統椰汁年糕添上淡淡炭燒焦香，甜而不膩。
國金軒
地址：中環國際金融中心商場 3 樓 3101 店
電話：2393-3933
來自法國嘅---蘿蔔糕
法國牛肝菌素蘿蔔糕 HK$238
以優質法國牛肝菌、一級冬菇及靚紅棗作材料，岩鹽提味，不含人造色素及防腐劑。蘿蔔頂級，全素製作，是農曆新年健康之選。
建議食法: 蘿蔔糕切片,約一至一點二公分厚。用中火燒熱平底鑊,放入油,每邊煎約三分鐘至金黃色便可供食。
大師姐
走上等貴氣 豪食糕品！
燕窩薑汁三色糕 HK$179/盒
2015年新出嘅燕窩薑汁三色糕，是以金黃色為主的甜品年糕，金碧輝煌。大廚先以鮮榨薑汁去渣，再拌入清新滋潤嘅桂花糖，薑汁微微辛辣中帶有清甜花香，製成後可看到半透明嘅糕層中飄散落桂花，年糕中間則置有一層芳香嘅白色椰汁層，夠晒貴氣！
逸東軒
地址：九龍彌敦道 380 號香港逸東酒店B2
電話：2710-1093
營業時間：星期一至六 11am–4pm;6pm-11pm、星期日及公眾假期 10am–4pm;6pm-11pm
逸東軒 (灣仔分店)
地址：灣仔港灣道 23 號鷹君中心二樓
電話：2878-1212
營業時間：星期一至六 11am–11pm、星期日及公眾假期 10am–11pm
人參年糕 HK$268
嚴選南韓人參，並加入人參酒悉心炮製而成，年糕溫潤香醇且充滿回甘韻味，係呢個新春補氣養生嘅不二之選。
Cafe Kool
地址：尖沙咀麼地道64號香格里拉酒店閣樓
電話：2733-8988
矜貴黑松露
黑松露臘味蘿蔔糕 ─ 紫粵軒新口味糕品。選用矜貴黑松露、上等日本宗谷元貝、泰國金勾蝦米、時令清甜白蘿蔔及風味加瘦臘腸作主料。將新鮮白蘿蔔切成粗條，混和切粒炒香的臘腸、瑤柱及蝦米再加入黑松露；粗切蘿蔔絲增加口感，黑松露嘅濃郁香氣滲入所有食材，吃罷齒頰留香。建議選配紫粵軒自家製XO醬佐吃，鮮味倍增。
紫粵軒
地址：香港將軍澳唐德街3號香港九龍東皇冠假日酒店2樓 (港鐵將軍澳站C出口)
電話：3983-0628
隱世！高人炮製 滋味年糕！
六嬸家鄉水磨年糕 $75/2斤裝
布袋澳村民用柴火蒸年糕，呢個習俗超過一世紀。其中以「六嬸家鄉水磨年糕」最為人熟知。特製嘅水磨年糕，無落人工代學料、防腐劑，綿密黏糯卻不黐牙，嘗到純淨的糯米香和回甘的蔗糖味，味道天然樸實，放雪櫃可保存1個月，切件蘸蛋漿煎最好吃。
六嬸家鄉水磨年糕
地址：西貢清水灣布袋澳村7號B海鮮島酒家
電話：9096-9322
潮州幫！手做芋頭糕！
手做芋頭糕 $36/斤
超過半世紀嘅潮州雜貨店「元合」，不單魚蛋馳名，私房芋頭糕更是「架忌冷」熟客嘅至愛。呢個芋頭糕就勁喇，差唔多係一般芋頭糕嘅4倍，糕身布滿芋頭絲，混雜咗花生，配搭簡單卻鮮味十足。將芋頭糕煎香，極級鬆化，成口芋香，正！
元合雜貨
地址：九龍城衙前道72號
電話：2718-6863
想睇更多? 即到 團年飯 特集 / 賀年糕點 特集
