欣圖軒嘅端午糭用上中西合壁嘅材料，味道夠晒特別，好似傳統口味嘅原隻鮑魚裹蒸糭(HK$318)，用上原隻鮑魚、冬菇、燒腩肉、咸蛋黃、綠豆及瑤柱，極具貴氣。另外亦有較為健康養生嘅黑菌和牛裹蒸糭(HK$288)，採用澳洲和牛面頰、雲南牛肝菌、雞肶菇、欖菜、咸蛋黃、豬肉等材料，應節之餘又健康。
而今次嘅亮點當然係「精緻甜糉三重奏」(HK$198)，三款重 90 克嘅迷你糭「的的骰骰」，口味又非常特別：黑虎掌蘋果紫米糭、無花果蓮蓉梘水糭、栗子南棗紅豆糭。感覺上同傳統嘅糭好大分別，味道較為清新、亦比較健康，食開傳統款式嘅人可能唔會好鍾意，但係鍾意嘗試新嘢嘅人不妨一試！喺 2015 年 6 月 13 日星期六，欣圖軒更有「精緻甜糭三重奏」製作班，客人親自製作三款迷你甜糭之餘，更可品嚐原隻鮑魚裹蒸糭及和牛面珠香菌裹蒸糭，正呀！！
依家訂購欣圖軒端午節糭子，更有訂購優惠！購買 10-25 隻可享有九折優惠，26-50隻可享有八五折優惠，50隻以上享有八折優惠，PPC優膳會會員可享有七五折優惠。
* 以上優惠不可同時使用
「精緻甜糭三重奏」製作班
日期及時間：2015 年 6 月 13 日星期六 11:45am-1:45pm
地點：香港洲際酒店欣圖軒貴賓廳
價錢：HK$1,488/位 (另設加一)
內容：於欣圖軒貴賓廳享用精緻點心及茗茶，期間由劉耀輝師傅介紹和即席示範三款精緻甜糭的製作方法。每位客人可親自製作糭子，更可品嚐由廚師精心製作的原隻鮑魚裹蒸糭及和牛面珠香菌裹蒸糭。
紀念品：每位參加者可獲贈原隻鮑魚裹蒸糭乙隻、欣圖軒XO醬乙瓶及欣圖軒圍裙乙條。
欣圖軒
地址：香港洲際酒店大堂低座
電話：2313 2323
營業時間：星期一至六 12nn-2:30pm、6pm-11pm；星期日 11:30am-3pm、6pm-11pm
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
