炎夏凍食五色前菜

今次翡翠拉麵小籠包推出嘅養生五色前菜，以五行引申出白、青、黑、紅、黃五隻顏色作前菜賣點，前菜分別為紅色嘅酸甜車厘茄 (HK$48)、黃色嘅黑松露素雞 (HK$58)、青色嘅紅油/涼拌大丁 (HK$48)、白色嘅蒜茸黑白木耳 (HK$48)以及黑色嘅酸辣海帶絲 (HK$52)，味道不俗，酸酸甜甜，消暑一流。除咗養生五色前菜外，翡翠拉麵小籠包亦推出不少夏天菜式，包括味口水雞撈麵、酸甜開胃的鎮江排骨、口味清新的甜酸青瓜簾等等！

特別推介：
酸甜車厘茄 HK$48
喺中醫嚟講，紅色的確代表「火紅的心」，車厘茄能抗氧化，女仔就要多食啦！大廚先把車厘茄逐粒去皮，淋上秘製酸啫喱粒及糖粉，酸甜味道平衡融和，令車厘茄的清鮮味更突出。

黑松露素雞 HK$58
以黃豆製成嘅素雞配上矜貴黑松露，食落有咬口之餘，亦充滿黑松露嘅芳香。

紅油/涼拌大丁 HK$48
消暑嘅青綠苦瓜配上辛辣紅油，能補膽潤肝，利尿，消暑、解毒，非常醒胃。

蒜茸黑白木耳 HK$48
齋聽個名都感受到佢嘅藥用價值，益壽抗老，滋陰潤肺，咬落去非常爽口，加上惹味嘅蒜茸，胃口大開。

酸辣海帶絲 HK$52
海帶口感爽脆，配搭甘筍絲、粉絲以及酸辣醬汁，醒胃之餘又不會過辣。

翡翠拉麵小籠包 分店

歡迎你 like 我哋 U Food Facebook Page / U Food Instagram ，取得我哋更新更快嘅資訊！