「他們很喜歡去新加坡旅遊，特別是搵街頭地道美食，以往就曾帶大廚和樓面同事去新加坡旅行，去名店『328 加東喇沙』，又去大排長龍的『天天』吃海南雞。」餐廳負責人 Ricky 說。
老闆們當中，有做日本拉麵起家的，有開泰國和法國餐廳的，但他們都有一個共通點，就是酷愛新加坡美食。見香港的星馬餐廳不多，即使深明泰國餐廳大有可為，都堅持開新加坡餐廳。4 年前在圓方開店，最近搬到銅鑼灣；期間又在中環開設 Old Town Restaurant，正考慮稍後於九龍灣再開。每一家裝修略有不同，但賣的都是他們去旅行吃過的街頭美食——喇沙肉骨茶炒貴刁蠔煎，還有經典中的經典海南雞胡椒蟹麥皮蝦燒魔鬼魚；不賣花巧，只求地道。
有幾地道？一睇喇沙就知！坊間的店，基於衛生理由，謝絕螄蚶，也因為香港人抗拒喇沙葉那朕獨特的氣味而不用；這裏的喇沙，兩樣皆齊。「不正宗，老闆不收貨！我哋除咗去新加坡考察，還會鑽研食譜、反覆試煮和改良。基本的黑豉油曬油以至做沙嗲的烤肉都從星馬泰入口，喇沙湯膽參巴醬沙嗲醬全部自製。」大廚鄭師傅說。
他本是粵菜廚師，五六年前半途出家做星馬菜。有粵菜底子，煎炒煮炸樣樣拿掐得好，炒醬料，厚薄濃淡適中，香味盡出；白胡椒蟹，鑊氣十足，香料牛油炒至起膠，緊緊沾在蟹身，食到啜手指；星洲蘿蔔糕自家製，蘿蔔下得狠，不會成口粉；蠔煎做半煎炸，脹、鬆、脆。間中他又會動腦筋玩變奏，用喇沙汁配脆麵，又或做黑胡椒檸檬雞煲，呼應市面雞煲熱潮；配搭創新卻不離譜。
裝修比菜式更刻意經營：牆上有彩色玻璃窗子跟百頁窗裝飾、天花板有徐徐轉動的吊扇，地面鋪上花階磚，通花木櫃上擺滿香料、舊暖水壺、娘惹飯壺，每個角落都滲透着懷舊的南洋風情，洋溢着屬於當地的悠閒感覺。如果你還是沒有衝勁遊新加坡，來這裏一趟吧！或許，或許你會重新愛上新加坡呢。
特別推介：
招牌炒蘿蔔糕 $78
蘿蔔糕是自家製的，蘿蔔絲特多，粉下得少，軟滑、清甜、多汁；加蛋、菜甫粒和黑豉油炒，香口。
新加坡蠔煎 $88
新加坡有不少福建人和潮州人聚居，故當地亦有類似蠔餅的菜式。這裏以木薯粉、雞蛋和蠔仔炮製，先煎後炸，金黃鬆化又脆口，更頻頻爆出蠔汁；蘸星洲辣椒醬吃一流。
沙嗲（豬 / 牛 / 雞）$78/ 半打
豬牛雞肉串從新加坡直送，肉質不像一般現成貨死實，而且已經醃味，肉嫩惹味；沙嗲醬是主角，以花生、辣椒、蒜等調成，亮點在酸子，能帶起香味。
黑胡椒檸檬雞煲 $88
大廚的創作，靈感結合黑胡椒蟹和大熱雞煲，以黑胡椒爆炒雞件，特別加入檸檬、檸檬葉、香茅、新加坡曬油炒至乾身，辛香中散發檸檬清香，不膩。
白胡椒炒蟹 $498
馬來西亞白胡椒，比黑胡椒更香更辣，加埋牛油和以小茴、沙薑等混合的特製香料爆炒，沾緊緊沾在蟹身，攻鼻之餘辣勁十足，香料味又令人欲罷不能。
參峇醬燒魔鬼魚 $118
用檸檬、自製參巴醬、辣椒等將魔鬼魚醃 4 小時燒香，大廚上桌前再塗上特製汁醬再燒，香甜中滲出辣勁，連魚骨都可食埋！
喇沙海鮮炒麵 $98
像潮式兩面黃的脆麵沾上濃厚喇沙汁吃，口感過癮！除了配蝦、魚片、豆卜外，還有蝦丸和青口，有睇頭。
Katong Corner
地址：銅鑼灣軒尼詩道 525 號澳門逸園中心 15 樓
電話：2196 8086
營業時間：星期日至四 12mm-10pm，星期五及六 12nn-11pm
收費：現金及信用卡，設加一
交通：港鐵銅鑼灣站 B 出口
泊車：鵬利中心 $35/hr
平均消費：$300
相關報導：
6 個不可不試的星馬即食麵！
星馬麵抬頭！
星馬麵癡夢想店——Mee
檳城美食大使！
想睇更多？即上 銅鑼灣 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
