「5」週年 Dinner

發佈: 2015.11.08
文:

5 道菜週年誌慶嘅 dinner set 有咩呢?登登登登,係「5 式生蠔」、「5式 火腿香腸拼盤」、「6 安士昆士蘭 350 日穀飼 M5 和牛西冷扒」、「5 年 El Dorado 冧酒蛋糕」同「5 式芝士拼盤」。

生蠔係Wooloomooloo Prime 尖沙咀店大受歡迎嘅頭盤,以dinner set 嘅頭盤「5 式生蠔」(單點價 $220)就有啲特別 — 用5種別具風味嘅sauce去呈現生蠔嘅鮮味,包括︰原味、紅酒醋黑椒汁、清酒生薑辣汁、氈酒西柚意式沙冰汁同紅洋蔥芫荽青檸汁。

而「5式火腿香腸拼盤」(單點價 $280),一次過試哂盡 36 個月風乾西班牙伊比利亞黑毛豬火腿、西班牙伊比利亞黑毛豬香腸、意大利風乾牛肉、意大利小茴香莎樂美腸同煙燻鴨胸,伴以慢焗番茄、羅勒、燒烤甜椒及意式香草多士,農村風味十足。

主菜就有自澳洲的「6安士昆士蘭350日穀飼M5和牛西冷扒」(單點價 $600, 12安士),經過3星期嘅濕式熟成,油脂分佈平均嘅M5和牛西冷牛味香郁,配埋自家製5色胡椒牛油,突顯牛扒香味。

甜品方面,「5年El Dorado冧酒蛋糕」(單點價 $160)用咗來自法屬圭亞那、獲獎無數嘅5年El Dorado冧酒。將自家焗製蛋糕浸泡喺特製嘅冧酒糖漿中,讓蛋糕吸收酒香,上桌時額外奉上一杯冧酒,倍添滋味。

最後以「5式芝士拼盤」(單點價 $240)作結,由主廚於法國、意大利、西班牙芝士中,挑選出最優質嘅芝士組合,伴以特選果醬、西班牙榲桲果凍、青蘋果片同餅乾。

p.s. 5道菜週年誌慶套餐 每位 $888(設加一服務費),套餐中嘅菜式亦可單點。

Wooloomooloo Prime

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more