金聯 原汁原味 小菜吸引

發佈: 2015.11.13
文:

試食專員-陳國強師傅
本地名廚陳國強師傅、曾任東來順顧問總廚,於烹飪比賽節目《大廚出馬》獲總冠軍,經常為飲食節目擔任嘉賓主持,對中菜非常熟悉。


海鮮選擇
門口魚缸有生猛海鮮,大路的魚蝦蟹龍蝦象拔蚌貝殼類有齊,蟹也有膏蟹、花蟹、肉蟹、麵包蟹、加拿大蟹等選擇,但相比起其他店,總括來說,款式較少。由侍應替客人蒸食材,食法着重原汁原味,主要是清蒸,不加蒜蓉,備有葱、蒜、指天椒及豉油供客人調味。

陳師傅 Comment:海鮮生猛,蒸鍋火力猛。材料幾新鮮,原汁原味都好吃。由員工服務,火候控制得較好,客人只要放心等食。海杉斑蒸得很嫩滑,師傅先在魚上灑了點鹽花,帶出魚的鮮味。蜆的鹹鮮海水味也直接流入粥中,對粥底很重要。如果有更多海鮮選擇就更好。


其他配料
蒸鍋之外,有十多款小食及二三十款小菜,例如炸豆腐、藕餅等,不少客人吃蒸海鮮前都先點小食吃。蒸鍋另有手切牛、手打丸、時蔬等。手切牛肉加少少粉撈一撈,蒸好後不會又乾又韌,入口嫩滑。蟲草花鮮雞配以拉麵同蒸,麵條撈滿雞油,好香。

陳師傅 Comment:蒸雞有特色,加拉麵底同蒸,拉麵吸收雞鮮味。牛肉蒸得好滑!雖然吃蒸鍋通常先吃海鮮,突出鮮味,最後才吃蒸雞,不過今次試吃先蒸雞,雞油一早流入鍋底,煲粥有雞油香好多,效果好好。


粥底
以新鮮排骨、果皮、泰國米煲成。(2-6 位 $60,6-10 位 $80)

陳師傅 Comment:蒸蜆、蟶子等貝殼海鮮時,留有更多水份,流入粥底中煲粥,好夠鮮味,加上雞油令粥底煲起來更綿。


總評:
金聯的海鮮選擇不是最多,但主打清蒸吃得出原汁原味,由員工控制火候,可以舒服地食得好。不銹鋼鍋夠受熱,煲起粥效果好好,就算人少海鮮食得唔多或時間不夠,一樣可以吃到靚粥。

金聯蒸氣海鮮鍋

地址:太子荔枝角道 127-133 號地下 D & E 舖
電話:2868 9863
營業時間:6pm-3am
收費︰現金及信用卡,設加一,醬汁每位 $10
交通:港鐵太子站 C2 出口
泊車:白楊街 $8/hr
平均消費︰$300
備註:8pm 前離座 9 折,10pm 後入座 8 折。

相關報導:
解構:大熱蒸鍋!
人氣蒸鍋逐間評!
皇朝 蜑家私房貝類最強
潮福 宵夜勁抵

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送☕】sensory ZERO港幣$300餐飲禮券!↓

↓ 請您食招牌蒲燒三層鰻魚滑蛋飯 / 澳洲M5+和牛溫泉蛋飯 / Crazy Chocolate!


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more