海宴樓 火鍋新貴

發佈: 2015.11.14
文:

海鮮湯滾本地野生海鮮
新開數月的酒家海宴樓,看似一間普通酒家,星期一至五都供應早午茶市,大中小點一律特價 $13.8,賣得平,只為做好口碑。

老闆紀先生本來經營火鍋店高流灣,今次另開新店,以坊間少見的本地海鮮為主打,自創點心如瀨尿蝦腸粉、瑤柱蛤蜊菜苗餃、野生青口小籠包等,只此一家。晚市主賣海鮮及小炒,秋冬季最新推出火鍋,繼續以海鮮做主角,由湯底至配料,都比一般酒家講究。

湯底選擇不算多,除了常見的清湯、沙嗲、麻辣雞煲之外,只有兩款特色湯底「枱面魚」及「膏蟹海鮮湯」,但只憑這兩款,也足見睇頭。兩款湯底均以濃郁的魚湯為基本,每日用一款新鮮海魚加腐竹來熬,比只用大魚尾或雜魚煲的湯底,鮮味更濃、水準亦更穩定。

「枱面魚」加埋炸過的修身鯇魚,紀先生解釋:「修身鯇魚即是臨賣前幾日停止餵飼的鯇魚,餓了幾日,魚肉就冇泥味。」湯底煲到牛奶色,仲有原條魚可吃。膏蟹海鮮湯更加了一斤膏蟹及大量花蛤和本地野山青口,入口根本就是鮮甜海鮮湯的味道,先吃海鮮,再用個超濃海鮮湯去打邊爐,好豐富!

火鍋配料必試本地野生青口和本地野生車蠔,特別向西貢漁民攞貨,坊間少見。車蠔生長在水深兩三米的石罅,要人手採,每日最多只供應十份八份,由於來貨少,而且只限冬天時令,想吃都要睇彩數。紀生笑說︰「車蠔好甜,我本身都好鍾意食,不過自己都唔係成日有得食。」就算是普通款式,也花心思為客人設想,例如先將瀨尿蝦輕灼再去殼,客人打邊爐時,只需灼一灼,即刻吃到啖啖鮮甜蝦肉。

認為蜆打邊爐太普通?廚師將本地蜆生拆,加入鮮蝦和韭菜現包成餃子,爽甜好吃,又是獨家自創的款式。招牌的墨魚丸也出色,以新鮮大尾魷打成,不摻豬肉或粉,爽口又咬到墨魚肉,百分百墨魚鮮美。火鍋加湯會用上魚湯,保證鮮味由頭吃到尾,心思滿分,定價卻不貴,今季必試。

膏蟹海鮮湯底 $388
海魚熬的湯底呈奶白色,味道鮮濃,加了腐竹去煲,質感更滑溜。一斤重膏蟹略炸,再加花蛤和本地野生青口、豆腐、枝竹等配料,材料豐富。記得先飲啖魚湯,嗒真鮮味。

枱面魚 $198
魚湯加上略炸的修身鯇魚,魚肉清甜少泥味,就算不打邊爐,晚市也可以叫來當主菜吃。

本地野生車蠔 $38/隻
水上人稱為車蠔,也有人叫做元貝或新鮮瑤柱,車蠔外殼堅硬,滾熟後蠔肉呈橙色,好爽滑!另可刺身或蒜蓉蒸。

本地野生青口 $88
野生青口殼比較厚和硬,又長滿蠔殼。但活青口味道鮮甜不在話下,質感很爽,煮久了也不韌,不似外國活青口的軟腍。

新鮮蜆肉韭菜餃 $68、手打墨魚丸 $88
以活蜆拆肉加新鮮蝦包成餃子,很快熟,咬落爽口,鮮蜆肉比急凍蜆肉味鮮濃得多,手工絕對值得。

瀨尿蝦 $168、龍躉片 $128
游水瀨尿蝦先輕灼再去殼,方便客人食用。野生龍躉片肉厚,魚皮亦厚,入口嫩滑。

海宴樓
地址:佐敦彌敦道 233 號佐敦薈 2 樓
電話:3421 1988
營業時間:8am-4:30pm,6pm-11pm (火鍋由 11am 開始供應)
收費:現金及信用卡,設加一,茶芥醬料 $10/位。
交通:港鐵佐敦站 C1 出口
泊車:寶輝閣 $18/hr
平均消費:$300

相關報導:
解構:大熱蒸鍋!
人氣蒸鍋逐間評!
皇朝 蜑家私房貝類最強
潮福 宵夜勁抵


金聯 原汁原味 小菜吸引

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more