$248 打邊爐雞煲蟹鍋

發佈: 2015.11.16
文:

不賣樣,靠的就是內涵。這裡主打海鮮,老闆倫哥每日開舖前去街市入貨,選購生猛新鮮海鮮。店子做的是任點任食,大部分海鮮卻是無限時任點,而每位價錢只是 $248,超抵!難怪靠口碑一傳十、十傳百,愈做愈旺場,唔少人約埋大班朋友打邊爐,坐在房間內邊食邊傾,真係可以食足一晚。

原來老闆倫哥一直做開酒家廚師,之前亦開過川式雞煲店,今次再開火鍋店,既有招牌雞煲打頭陣,再加上海鮮鍋打邊爐,一晚吃兩款鍋,夠晒豐富!如果你想食雞煲,但又嫌一般雞煲湯底打邊爐太辣太油,來這裡吃,肯定你。

入座後,也不用點菜了,侍應自動送上雞煲,雞件炒得乾身惹味,吃得打開胃口之後,就可以入正題打邊爐。這裡的做法不是把湯加於雞煲中,而是推另一主角「鮮茄野菌花蛤蟹鍋」上場,大大隻的肉蟹,有番茄薯仔湯相伴,湯底有陣蟹鮮香,用來打邊爐一流。火鍋配料輪流上 (要剔紙仔?),10 款生猛海鮮分量多得要分兩碟上!鮮鮑魚、蠔、象拔蚌、瀨尿蝦、鮮帶子、蟶子王每位供應一至兩件(不可以 encore?),另外海蝦、魷魚、脆骨腩、脆鯇片、龍躉及細蟶子仲可以不斷追加,睇頭十足!其餘任食配料還有自家製雲吞、水餃、蝦丸等十多款,就連汽水和即煲五花茶都是任飲。

計一計,吃雞煲、蟹鍋、手切牛,再添吃多幾款海鮮,如果在一般火鍋店幫襯,埋單都唔只二三百!就似倫哥講︰「香港人鍾意打邊爐,又鍾意食海鮮,我地呢度食幾多海鮮都係每位二百幾,有個預算。」定價公道、用料新鮮1又不似一般任食火鍋入座時間限時限刻,怪大家都不介意在雀會格局。不過,近來愈做愈,倫哥怕應接不?,11 月開始,訂座只接受 3 位起,要約多幾個朋友來幫襯了。

鮮茄野菌花蛤蟹鍋
番茄薯仔湯加以大肉蟹及花蛤,清甜中滲著蟹鮮香,單是這個湯底,在一般火鍋店起碼賣二百元。

海鮮拼盤
每位送上一份鮮鮑魚、蠔、象拔蚌、瀨尿蝦、鮮帶子、蟶子王等10 款海鮮,全部由倫哥即日買回來,想添吃的話,可追加海蝦、魷魚、脆骨腩、脆鯇片、龍躉及細蟶子。(圖為 8 人份)

手切本地牛頸脊
平時一客賣過百的牛頸脊,這裡每位價錢已包一客分量(圖為 4人份),追加每客 $20。

招牌雞煲
倫哥曾開設雞煲火鍋店,順理成章在私房菜推出雞煲,香辣惹味雞肉夠嫩,分量按人數奉上。

倫哥私房菜
地址:佐敦德興街 4-6 號地下
電話:5546 6499 / 6209 3572
營業時間:6pm-2am
收費:只收現金,設加一,醬料 $5/ 位。
價錢:$248/ 位,包雞煲及蟹鍋,指定配料任食,飲品任飲(酒類除外)。
交通:港鐵佐敦站 E 出口,步行 1 分鐘

相關報導:
解構:大熱蒸鍋!
人氣蒸鍋逐間評!
皇朝 蜑家私房貝類最強
潮福 宵夜勁抵


金聯 原汁原味 小菜吸引
海宴樓 火鍋新貴
一鍋堂 平歎爆場放題

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more