洲際酒店有新 buffet 主題！

餐廳新設 7 個主題，有沙律、進口火腿凍肉批、即煮海鮮菜式、即製西班牙豬卷配花膠及爆谷、即煎法國鵝肝、韓式 9 層塔、5 款即切烤肉及海鮮。香港人咁鍾意食海鮮，呢個「即煮海鮮菜式」及「韓式 9 層塔」嘅位置肯定經常大排長龍，客人可選擇中式 / 西式 海鮮，包括波士頓龍蝦配龍蝦芝士汁或香辣檸檬汁意大利魷魚。至於韓式 9 層塔更不用多介紹，多款名貴海鮮喺蒸籠內烹煮，有鮑魚、鮮蝦或海螺、螃蟹、青口或蜆、帶子及海鮮粥等。

而餐廳主廚蔡俊輝即席炮製拿手招牌菜──西班牙豬卷配花膠及爆谷，聽落經已甚有賣點！至於食肉獸嘅客人，可以嚟即切烤肉及海鮮，每晚必定會有澳洲帶骨和牛柳或美國頂級帶骨牛排、印度烤雞、烤全隻羊腿、酥皮魚柳及日式焗比目魚，yummy！

除咗新增嘅 7 款「即叫即做」主題，一向食開嘅海鮮凍盤、刺身壽司仍有供應，如澳洲青口 、美國波士頓龍蝦、帶子、翡翠螺、鮮蝦、睡蟹、花蟹、加菲蟹、美國珍寶蝦、阿拉斯加蟹腳、西班牙吞拿魚、有機愛爾蘭三文魚及北海道帶子等等。而熱盤則有中式原條蒸魚、海鮮燕窩湯、蠔皇海參、炒貴刁、炒海鮮、焗蠔、星州燴牛尾、蟹肉意大利千層麵、印度咖哩及周打海鮮湯等。

至於甜品控，一樣唔會失望。由法藉餅廚 Cyril Dupuis 及團隊推出數十款蛋糕、迷你法式甜品、中式糕點、新鮮水果、自製雪糕雪葩、即叫即焗的班戟、蘋果批、布甸、朱古力噴泉及糖果等等。

供應日時及時間：逢星期六 5:30pm-8pm、8:30pm-11pm
價錢：成人 HK$838/位、小童 HK$588/位

* 包 1 杯果汁、無酒精雞尾酒、葡萄酒或啤酒
* 另設加一

港畔餐廳
地址：香港洲際酒店大堂低座
電話：2313 2323

想睇更多？即上 自助餐 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！