小儀:中環「溫油」小清新

發佈: 2015.11.24
文:

要食得清新,唔一定要去食素嘅,我發現食地中海嘢都有異曲同工之妙,於是我今回「雅利根」啲,走咗轉中環食呢間阿蘇都話 good 嘅南法餐廳。

真係未點菜,先興奮,因為呢度好光猛,對正維港,我嗰日中午時份嚟,好好 feel 好悠閒,雖然唔係露天,但好有去咗馬賽海邊啲 side walk cafe 嘅感覺,完全感受到蔚藍海岸的陽光燦爛。

地中海同法南,以海鮮馳名,多用橄欖油、檸檬、海鹽同黑椒調味,食物一啲都唔油膩。今次我試嘅招牌菜,都好體會到呢點。餐廳叫 Ivy,餐牌上又咁鬼多沙律,我有環由懷疑呢間餐廳係專為以修身終生事業嘅女士而設嘅。因為之前食大咗個胃,今回我收歛一點,唔叫咁多紅肉,食多啲菜先。我最 like 係暖油蝦,唔好睇佢好似好多油咁,重點係個煮法,大大隻嘅灼到成數啱啱好,再淋返啲暖嘅橄欖油上去,用海鹽調味,食落蝦肉超彈牙,蝦味好 fresh,唔搞咁多花巧煮法,個餸仲好食呀。

兩款冰鎮住上嘅沙律都好正,好少法邊豆嗰款咁,啲豆豆煮得好脆但又無草腥味,最 like 廚師畀返少少甜頭我哋,加咗啲切碎的法國鵝肝提味、黑醋同番茄粒,唔使淨食豆咁寡。蟹肉沙律都唔錯,麵包蟹肉加埋新鮮嘅意大利青瓜絲,啖啖都係法南海水鹹香味,好似個嘴去咗法南暑假咁。

嗰餐我揀咗法式燒雞,白肉嚟㗎,係咪好健康先,上枱已經飄嚟香草香,入口仲好 juicy,肉汁豐富到連雞胸都唔嚡,原來醃咗一晚又低溫煮,油份少但非常入味。全餐最令我有少少罪咎感嘅,就係個巨型梳乎厘,不過食落好重蛋香空氣感好強,神啊!饒怒我少少放肆吧...我都乖咗成餐啦。

IVY

地址:中環國際金融中心 2 期 2 樓 2075 號舖
電話:2383 4028
營業時間:11:30am-10:30pm

想睇更多?即上 中區 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Ísey Skyr健康冰島乳酪套裝!↓

↓ 使用比普通乳酪多近4倍的牛奶!/ 好像Gelato義式雪糕一般的口感!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more