全城最靚 法式三文治

發佈: 2015.11.28
文:

法蘭西嘅 open-faced 三文治都可以稱為 Tartine,而呢個字嚟到香港,仲多咗重意思,就係指米芝蓮大師主理嘅高檔三文治新店。

呢期中環精英勁 like 嘅 lunch place,係呢間三文治店。如果奇怪點解三文治店都可以變中環我至 hit,真係要仔細睇睇本文配圖,但更大的理由是三文治嘅經手人,米芝蓮級大師——Philippe Orrico,他主理嘅 UPPER Modern Bistro 瞬間獲米芝蓮一星,今次收到任務做三文治,他就將本來塗果醬、花生醬嘅法國平民 tartain 變成 fine dining 菜式放喺麵包面。

但大家記住佢賣嘅係三文治,麵包都唔可以失色,Phillipe 棄用平淡無味嘅白麵包,揀了由麵包皮、包身、濕潤感及酸味都更複雜嘅 sour dough(酸種麵包),由本地麵包廠每日鮮製,他找了多間本地麵包店試做,而家由名店 Le Vain 以天然酵母製,因為 tartine 係 open-faced,先吃到餡再吃到麵包的,驚喜位是麵包帶少許煙韌好𡁻又唔硬,仲有少少濕潤感,配多多餡料都 OK,還有淡淡酸香不致被調味甚佳嘅餡料搶晒鏡。

羊奶芝士及烤無花果 $98
法國 Les Freres Marchand 羊奶芝士配 24 個月 Parma Ham,火腿油香鹹香不俗,配無花果嘅蜜香和羊奶芝士酸乳酪香,味道平衡。

龍蝦及自製法式白醬伴龍蝦濃湯 $138
超華麗,新鮮波士頓龍蝦加法式 Bechamel 醬及巴馬臣芝士焗,大廚還用龍蝦殼及蔬菜熬了杯龍蝦湯,可以當醬汁加到三文治上也可以淨飲,龍蝦味爆炸彈牙。

Ratatouille $68
意念源自法國普盧旺斯燉菜,意式茄瓜、茄子、番茄、紅椒等切粒燉煮至軟腍,上面再加一隻日本沖繩流心蛋,調味甚佳,蔬菜三文治都唔寡。

田園 $68
靚死人,有 10-15 種來自澳洲、法國及本地的蔬菜,大部分是新鮮、部分煮過,吃落有不同口感;米芝蓮位是廚師煮了個味道清新的茄子醬塗在麵包上,酸酸地,配埋食用花,成件事似食咗個高級 salad。

雜莓及意大利軟芝士 $68
三文治當甜品一樣得,天然酵母麵包加上雜莓、糖果及意大利軟芝士 Mascarpone,今期糖果係棉花糖及焦糖松子仁,酸甜對比明顯。

蟹肉及檸檬蒜香蛋黃醬 $108
以法國 Brittany 麵包蟹拆肉,混合檸檬香蒜橄油,配雅枝竹、番茄乾及鵪鶉蛋,蟹肉多汁鮮濃。

Tartine

地址:中環擺花街 38 號 2-3 樓
電話:2808 0752
營業時間:星期日至三 12nn-12mn,星期四至六 12nn-1am(稍後會增設早餐時段,約 9am 營業)
收費:現金及信用卡,設加一
交通:港鐵中環站 C 出口
泊車:中央廣場 $35 hr
平均消費:午市 $150、晚市 $300
備註:星期一至五 12nn-2pm 設 2-3 道菜連飲品的 lunch set。

相關報導:
衝擊眼球!彩虹芝士吐司
免內疚 火雞芝士治
熱熔芝士撈滑蛋
港版!首爾大熱吐司
癲咗!多士夾芝士通粉

歡迎你 like 我哋 U Food Facebook Page / U Food Instagram ,取得我哋更新更快嘅資訊!

more