絕型版進化三文治

發佈: 2015.11.29
文:

唔係玩芝士咁簡單,係連中式燜牛腩、天婦羅同西式鹽水雞都放到入兩塊麵包中間而無違和感嘅三文治,super cool 喎。

在這間型店背後發功的是 Katy、Lewis、Chris 和 Jacqueline。在美國藍帶學院畢業嘅 Lewis,大半年前開了網店 Bread & Beast 夥拍在舊同事 Katy 在糖廠街巿集賣精品三文治(gourmet sandwiches),人氣急升後便開了這實體店。

普通三文治就係火腿夾芝士,但 gourmet sandwiches 就要做得精,最有賣點必屬把中式蘿蔔牛腩變 Ngau Lam Wich(牛腩治)。Lewis 及 Katy 將燜牛腩「重構」,最吹佢唔脹真係有齊半肥瘦牛腩、蘿蔔、柱候醬 3 大元素,但成品又唔係完全「中式牛腩」,因為牛腩由「燜」變成用八角、花椒和醬柱侯醬 slow cooked,少汁但入味,食時唔會滴到一手到係;蘿蔔唔同牛腩一齊煮,反而醃漬(pickle),變成酸香醒胃:也用 mayo 做三文治醬,不過加咗柱侯醬調味,閉起隻眼,嘴裏是三文治口感,味覺卻有《今晚食乜餸》feel 嘅柱侯牛腩享受。

這裏的 gourmet sandwiches 貴精不貴多,每日 4 款,其中一款是每月 pop up 的 special。肉類運用慢煮、吉列、天婦羅等高檔煮法處理;麵包則找本地烘焙坊製,質地介乎軟腍腍嘅意式拖鞋包(Ciabtta)及脆硬嘅酸種包(sour dough)之間,放久了或翻熱都唔會變「國際漿」咁款;還有日、意、中、越風格嘅 homemade 三文治醬:細心位仲有自家製 pickled 蘋果、薑及乾葱等做 magic touch,不是那些又酸又鹹搞到盲人開眼嘅劣質酸青瓜,驚喜連連,日賣過 100 件,小事啦。

Ngau Lam Wich $88
改編自港式燜牛腩,半肥瘦的牛腩連柱侯醬等放入真空袋 79 ℃ 低溫煮 12 小時,牛腩又腍又入味,切片夾入三文治,細心位係跟返中式蘿蔔牛腩般,配醃蘿蔔及柱侯醬蛋黃醬,蘿蔔酸酸地,但有少少辣根味道,好夾。

Yu Banh Mi $98
每月 pop up,鱈魚上了一層很薄的天婦羅炸漿,咬下去脆得來不會如英式炸魚般一口粉漿,佐以泰式醬、芫茜及魚露,更有醃乾葱,配材及醬汁充滿越南風味。

Un'porchetta'ble $68
意念源自意大利煙肉(pancetta),這個是精良版,以新鮮五花腩把香草香料捲起,慢煮 4.5 小時,臨上枱時會煎香,豬腩脆口帶油甘香,配醃蘋果平衡膩感。

Kentucky San $68
以吉列方法炮製雞扒,不過最繁複是以調了味嘅鹽水將雞浸 1 晚入味,雞肉炸過都軟嫩 juicy,配日式咖喱 Kwepie 蛋黃醬及 pickled ginger。

Bread & Beast

地址:灣仔汕頭街 3 號地下
電話:9120 6869
營業時間:星期一至四 8:30am-6:30pm,星期五 8:30am-8pm,星期六 10am-8pm,星期日休息
收費:現金及信用卡,不設加一
交通:港鐵灣仔站 B2 出口
泊車:蘭杜街錶位
平均消費:$90

相關報導:
免內疚 火雞芝士治
熱熔芝士撈滑蛋
港版!首爾大熱吐司
癲咗!多士夾芝士通粉
全城最靚 法式三文治

想睇更多?即上 灣仔 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】微熱山丘全新造型香蕉窩夫餅乾禮盒100盒!↓

↓ 進駐香港十週年大贈送│送埋香港獨家限量版布袋~↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more