大鮮肉辣雞窩夫治

發佈: 2015.12.01
文:

如果你同我一樣,愛係挑戰人體吸收卡路里嘅極限,又愛啖啖肉的話,這件卡路里之友協會最尊崇嘅窩夫雞治(chicken waffle)係唔食唔安樂嘅,窩夫都唔係唯一重點,搭配超巨大炸雞簡直令肉食者們眼前一亮,噢!肉食天堂同聖殿原來就喺我哋身邊。

真係呢,窩夫都唔係重點,大大件炸雞夾起兩片窩夫裏面,令嗜肉人士最期待嘅畫面出現了。這間以漢堡及美式小食聞名嘅舖頭,卡路里供應絕對無極限,繼招牌嘅芝士窩夫雞後,再挑戰人體對卡路里嘅接受能力,新推這款以 4、5 吋闊炸雞扒做餡嘅窩夫治,塊雞扒閒閒地都比一位中等身型嘅女士手掌大,成份窩夫治拿起,手量感覺有 4-5 個 M 記漢堡包咁重,嗜肉者見到應該會情不自禁。不過廚師今次都算手下留情,無瘋狂加勁高脂肪嘅配菜,反而自家調了一個加了蜜糖的「是拉差」醬(Sriracha)來包嵌炸雞,令炸雞食落多咗濕潤感,酸酸甜甜辣辣好醒胃。

如果你認為大鮮肉辣雞窩夫治都仍然係小事,咁你就要繼續踢館,挑戰埋呢度嘅金牌打手——三重芝士炸雞窩夫治,這款真係唔係人咁品,超超超厚(其實係約 2 吋厚)嘅炸雞髀肉,仲配搭咗 3 款芝士,外加廚師調咗少少酸味 balance 肉感嘅芝士醬,殺傷力李小龍翻生都招架唔嚟,我呢啲咁為食嘅平民未食到 1/2 份都已翻白眼,不過炸雞超 juicy 唔覺好炸,加埋帶牛油香同甜甜哋嘅窩夫,你眼下連食齋嘅大猩猩都想大啖咬。

Honey Sriracha glazed-chicken waffle $88
美國人勁鍾意「是拉差」醬(Sriracha),這款新出嘅炸雞窩夫治就以是拉差佐味,成件大個女士手掌,是拉差以蜜糖調味,加埋芝麻同芫茜,是加州很流行的街頭小食,雞扒超厚肉,炸得香脆 juicy,醬汁甜酸多過辣,加埋醬汁有濕潤感。

Banana Nutella waffle $50
這個窩夫治的賣點係超重手嘅 Nuttella 榛子醬,窩夫跟鹹版的不一樣,烘得較脆也加了糖粉,夾着勁多的滑溜榛子醬同笨娜娜,好肥但好味。

3 Cheese & ranch chicken waffle $88
佢贏厚身,這款用上雞髀肉加上 3 款芝士炮製,廚師更唔吝嗇,加送一個帶酸味嘅芝士醬嚟谷行卡路里,軟身的窩夫帶甜,夾着鹹鹹哋嘅雞脾吃,真係飽到人都癲。

Boomshack
地址:中環蘭桂坊和安里 8-12 號和安樓地下 B 舖
電話:2660 5977
營業時間:星期一至四 12nn - 12mn,星期五及六 12nn - 2am,星期日 12nn - 10pm
收費:收現金、信用卡、八達通、EPS,不設加一
交通:港鐵中環站 D2 出口
泊車:勵精中心 $52/hr
平均消費:$100

相關報導:
港版!首爾大熱吐司
癲咗!多士夾芝士通粉
全城最靚 法式三文治
絕型版進化三文治
烏卒卒全日早餐治

想睇更多?即上 中區 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送☕】sensory ZERO港幣$300餐飲禮券!↓

↓ 請您食招牌蒲燒三層鰻魚滑蛋飯 / 澳洲M5+和牛溫泉蛋飯 / Crazy Chocolate!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more