意大利 花款雪糕棒店

發佈: 2015.11.26
文:

原來呢間舖頭係過江龍,品牌在意大利創立,短短幾年在中東及亞洲已經有 90 多間分店,泰國、馬來西亞、澳門及內地已有分店,今回終於輪到香港。

舖頭賣點在於雪條是以自製的 gelato 製,原材料全是天然,不加化學成分也不用加工製品,店方會用新鮮生果或原材料以意大利 La Ghiacciola 雪糕機製作雪糕,也有用全生果製的雪葩棒,試過雪糕同雪葩,味道香甜、生果味濃郁,原來雪糕雪葩製作前都會檢查糖度,確保足味唔會淡茂茂。

香港店每日會供應約 18 款口味雪條,最特別是有迎合亞洲人喜愛的口味,如黑芝麻、楊枝甘露、奶茶加入名牌宇治抹茶粉的抹茶口味。舖頭仲有細心位,不但可讓客人另選蘸上黑、白、牛奶及杏仁朱古力脆漿、多種糖針糖碎作 topping,仲可以代為畫花、寫名或畫公仔,有諗頭的話可請來稿請店員代畫,無頭緒的則可請店員代勞或參考冰櫃款式,要氹人歡喜話咁易啦。

宇治抹茶雪糕棒 $28(另配朱古力外層、畫花或 topping 各加 $5)
用宇治名牌丸久小山園抹茶粉製,有抹茶甘香但唔甜,店主自家設計的花款可愛吸引。

開心果雪糕棒 $28(另朱古力外層、畫花或 topping 各加 $5)
開心果是店裏的一大招牌,以高質素的開心果仁製成雪糕,開心果味突出,也有果仁的油潤感,可配朱古力及 topping 造成聖誕樹模樣。

芝士蛋糕雪糕棒 $32(畫花 加 $5)、士多啤梨雪葩 $28(畫花 加 $5)
要氹人歡喜可以在雪條上寫上 message,這兩款口味最啱情侶點,message 以外仲可以寫埋愛人名字。

Pizza Margherita $288 個
雪條唔一定要雪條樣,薄餅「餅底」是海綿蛋糕,上面放有半打乳酪牛奶口味雪條,另有白朱古力扮芝士、士多啤梨果醬扮茄汁,用新當生日蛋糕都得。

菠蘿味雪葩 $28(畫花 加 $5)
菠蘿味相當香甜,有 refreshing 的酸甜菠蘿味,好似真係吃緊菠蘿,可選擇做 Minion 做型。

Better than real thing $32(畫花 加 $5)
上層是西瓜雪葩,瓜皮則是奇異果雪葩,西瓜味很香甜,奇異果雪葩酸味突出,兩者夾埋好好清新。

Stickhouse

地址:尖沙咀海港城港威商場三階 3001 號鋪 3001-E1 舖(city'super food court 旁)
營業時間:10am-10pm

(原文摘自 U Magazine ISSUE 522)

想睇更多?即上 甜品 / 尖沙咀 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送☕】sensory ZERO港幣$300餐飲禮券!↓

↓ 請您食招牌蒲燒三層鰻魚滑蛋飯 / 澳洲M5+和牛溫泉蛋飯 / Crazy Chocolate!


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more