西環 歎龍蝦湯拉麵

發佈: 2015.11.30
文:

由香港人所開,店舖跟同區以吃韓式海鮮九層塔出名的 The Seafood Kitchen 屬同一集團,所以不難發現 menu 內充滿海鮮元素。由於老闆在北海道有相熟供應商,部分海鮮如帶子、松葉蟹也來自日本北海道,甚至連麵條也空運自北海道,每日新鮮送來,限售 100 個。

拉麵主打龍蝦湯、醬油湯及黑麻油豬骨湯 3 款湯底,龍蝦拉麵的龍蝦湯,以炒過的波士頓龍蝦加入甘筍、洋蔥等材料熬煮 1 天而成,內有大蝦、南非新鮮鮑魚、香煎過的北海道帶子、珍珠貝等配料,呷一口,立刻感覺到強烈龍蝦味。想令鮮味提升,不妨加埋店內特製經過炒香的蝦乾碎。醬油湯及黑麻油豬骨湯,則同樣以豬骨湯為鐵膽,分別在加入秘製醬油及黑麻油。豬骨湯內加入豬骨、雞殼、雞骨等材料熬製 2 天而成,平時待用也以 100 度高溫 keep 住熬,入「味」三分。兩款豬骨湯拉麵以醬油拉麵較有特色,配料包括啖啖松葉蟹肉及蟹膏,特別是松葉蟹膏,竟然有半隻蟹蓋的分量!

店子也提供約 10 款小食,餃子是自家製,另外諸如蟹肉忌廉薯餅、吉列蝦、芝士年糕、吉列芝士豬扒等,則空運自日本,滿滿海鮮味之外,也滿滿日系風情。

龍蝦湯拉麵 $128
有南非新鮮鮑魚、北海道帶子、珍珠貝及大蝦幾種海鮮,如果想龍蝦湯更鮮味,不妨加埋蝦乾碎,一流!

醬油湯拉麵 $98
松葉蟹肉及那丁點黑色蟹膏絕對是精要所在,令整個拉麵洋鮮味頓升。

黑麻油豬骨濃湯拉麵 $88
豬骨湯較清,黑麻油落得適中,湯身飲落也沒有坊間的肥膩感。

十中喫麵所

地址:堅尼地城荷蘭街 1-11 號建益大樓地下 F 舖
電話:3956 4163
營業時間:12nn-2:30pm、6pm-11pm
收費:只收現金

(原文摘自 U Magazine ISSUE 522)

想睇更多?即上 西區 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more