鮮活龍蝦鮑魚 即煮海鮮湯

發佈: 2015.12.10
文:

只要揀好心水材料及湯底,再交俾大廚炮製,一碗材料豐富的海鮮湯即搞掂!

瞄一瞄,十多款海鮮料如波士頓龍蝦、鮑魚、象拔蚌、蟹件、蜆、蟶子、泥鯭等,款款鮮活,無限量任揀之餘,湯底亦有 4 種選擇,經典的法式海鮮湯 Bouillabaisse、冬蔭功湯、檳城叻沙湯及清雞湯,想清甜定惹味都得。大廚逐個柯打煮,新鮮熱辣上枱,一啖入口,簡直係海洋精華呀!

記得試埋招牌冰鎮海鮮,屆時會有即開生蠔,包括法國諾曼第生蠔、法國紛迪加蠔及美國西岸 Minterbrook 生蠔 3 款,另加波士頓龍蝦、凍蝦、青口、太平洋螺、蟹腳、龍蝦仔及法國麵包蟹等,食幾轉先滿足。

應節美食亦不缺,首推聖誕燒釀火雞卷及香草燒牛肉眼,摒棄傳統的「柴皮」火雞,改以慢煮方式炮製,將大大隻火雞去骨,雞胸及雞腿部份釀入雞腎、雞肝、栗子、乾果及麵包等餡料,再慢烤 3 小時而成,傳統中帶點新意,更易入口。大廚揀來美國安格斯有骨牛肉眼,比平日的無骨版更香,原條牛肉眼重 12 公斤,塗抹牛油、香草、蒜頭等放入焗爐,烤至 Medium rare 最 juicy。

食完正餐,要開動「甜品胃」,聖誕樹頭蛋糕、聖誕果子批、聖誕果子蛋糕及曲奇、聖誕布甸配干邑香草汁等,應有盡有,這裡還有 Gelato 雪糕機,自己唧雪糕加 toppings,過癮!

聖誕燒釀火雞卷
大大隻火雞去骨,用雞胸及雞腿裹起雞腎、雞肝、栗子、乾果及麵包等餡料,慢烤 3 小時,入口果然沒「柴皮」感覺。

香草燒牛肉眼
揀原條有骨牛肉眼,燒烤起來更香口,Medium rare 肉質嫩滑 juicy。

干邑龍蝦湯
落足料用龍蝦殼及龍蝦肉去熬煮,香濃美味。

Kudos
地址:銅鑼灣禮頓道 8 號香港銅鑼灣皇冠假日酒店 1 樓
電話:3980 3000
X'mas Buffet:12 月 24 及 25 日 5:30pm-8pm 成人$798、小童 $488,8:30pm-11:30pm 成人及長者 $798、小童 $488,設加一
交通:港鐵銅鑼灣站 A 出口
泊車:酒店泊車每小時 $65 (最低消費兩小時)

相關報導:
「糖果」入饌 炮製繽紛滋味
半自助 地中海晚餐
可持續海鮮 炮製綠色餐桌

想睇更多?即上 聖誕節 / 聖誕自助餐 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more