小儀:主播酒香私房菜

發佈: 2015.12.08
文:

lunch 時段我仲喺廣播道,當然打蛇隨棍,約埋呢班男男女女嚟試下私房菜。

唔訂由自何,一訂真係嚇到個心嚟一嚟,一位先至 $298,就有八道菜食,4 位就訂得,即時一呼百應。

喺到見到老闆娘,後生女嚟喎,佢叫 Kobe(黃幗誼),原來大家係行家,佢之前係亞視嘅財經主播,佢唔單止係老闆娘咁簡單,呢度嘅大廚都係佢喎,咪睇佢斯斯文文又係講財經女強人,就一定係港男口中嘅「無飯女性」,佢最大興趣係買餸煮飯,煮得一手好菜,於是就開咗呢間舖。因為她是純種 food lover,最鍾意留意街巿行情,做生意都唔用供應商,堅持日日行街巿入貨,睇啱揀啱新鮮食材先買。

佢煮餸好特別,出面啲小菜館搵唔到㗎,有無見到我係幾咁驚訝呢?呢款就係私房菜裏面嘅「桑拿蝦」簡直係有舞台效果,大大隻又實肉嘅海蝦用酒浸泡,然後倒入已預熱的石卵鍋中焗熟,將酒變成蒸氣入味,酒香到不得了,但蝦肉又唔會老晒,呢款我最冧冧嘅。

我估 Kobe 真係好鍾意酒香,「醉香私房菜」裏面嘅啤酒鴨、冰鎮鮑魚同黑啤燉牛肉都係酒香掛帥,前煮用青島啤煮,花椒八角夾雜好清好清嘅酒香味,鴨肉好滑好濃味;牛肉則係 100% 用牛肉汁同 Guinness 黑啤煮出嚟,一滴水都唔加,炆足 4 小時,牛"月展"又腍又帶膠質,啲汁好正,蘸法包食到唔停口。醉鮑魚係最 impressed,因為炆得好煙韌,但有花雕同香茅甜香,清清哋好正。

我哋成餓狼食飯,80 道菜都唔夠,仲額外加錢追加咗個「玫瑰露乾焗排骨」,玫瑰露味香噴噴,成班人當日係食都變咗好似「有身孕」咁行返出嚟,呢次嘅私房菜體驗話畀我知,food lover 相當熱血嘅,手勢有時仲勁過專業師傅。

嘗滿

地址:觀塘成業街 19-21 號成業工業大廈 1 樓 3 室
電話:3568 5130 / 9381 4322
營業時間:星期一至五 12nn - 3pm、6:30pm - 10:30pm,星期六 6:30pm - 10:30pm,星期日休息
備註:1. 只收現金,私房菜設加一
2. 八道菜醉香私房菜晚巿,除上述菜式,還包括沙律、炒雜菜、日式清酒煮花甲、甜品幻彩雪山及花茶,每位 $298,四位起,3 日前預訂
3. 午巿設套餐,包括老火湯,兩餸小菜及白飯或紅米飯,每款 $58

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more