去石屎森林 野餐

發佈: 2015.12.04
文:

這間名為 Urban Park 嘅餐廳,無改錯名,因為它刻意把餐廳打造成城巿公園,將平台位置鋪上假草坡,打造一個抬頭是藍天,但四面是高樓大廈、旁邊仲有酒吧嘅城巿草原,晚上可以飲嘢、搞 private party 不特止,周末下午仲提供地墊供食客在尖咀野餐,更不時會利用「草地」搞瑜珈班,在尖咀野餐唔合理都變合理。

主廚 Dicky 煮食風格清新,他特別設計了一個 Picnic basket,裏面有他設計的特色三文治、漢堡及多款甜品,以木箱盛載,分量都唔少,配埋意大利有汽酒,飽肚有突,帶埋墨鏡來輕鬆,食物野餐,十足去咗歐洲。星期一至五,可選擇到室內則享用新派歐陸菜,菜式以清新輕怡為主,Ricky 愛用新鮮蔬菜,配搭 slow cook 技巧創作菜式,菜式都有新意位,好像煎帶子不配肥嘟嘟薯蓉,改配更多維他命的甘筍蓉、又將歐洲傳統的杏脯豬肉卷,改成脂肪含量更少的雞肉卷,少油之餘口感較清新,還有招牌的慢煮豬腩肉及 short rib,啖啖肉但減咗油膩感,菜式都幾適合大班人「些牙」,約埋班老友 weekday 飲嘢歎西餐,周末下午坐草地晒太陽吹水,歎世界度好爆標喎。

Picnic basket(連意大利有汽酒一枝) 兩位 $500、四位 $800
分量不少,包括小件裝的三文治、牛肉漢堡、沙律、雞翼、馬卡龍及杯裝甜品等,圖為二人分量。

Seared scallop with carrot puree $159
甘筍蓉用牛油推,配煎過的美國 U10 珍寶級帶子,清怡唔油膩。

Cabbage-wrap chicken roulade $169
雞肉低溫煮約 75 分鐘,再攪拌加雞蛋做出輕飄飄的慕絲口感,中間加了自家製的杏桃果醬並用澳洲皺皮椰菜包着再蒸,果醬的酸味幾醒胃。

Slow-cook pork belly $199
西班牙豬腩肉醃 1 晚後再放在 100℃ 的水中 2 日低溫煮熟,臨上枱會再焗,做出豬腩肉少油但鬆化的效果,配燴啤梨及金巴利汁。

Chocolate Martini $98
下層是朱古力醬,上面有氈酒及橙酒等,再串起兩粒麥提莎扮橄欖。

Urban Park Special $89
以花茶加上白酒、梳打水及玫瑰糖漿做,花味清香,入口香甜。

Urban Park
地址:尖沙咀加連威老道 20-22 號 Attitude Hotel 4 樓
電話:2751 1999
營業時間:星期一至四 11:30am – 11pm,星期五至日 11:30am – 12mn(Last order 10:30pm)
收費:現金及信用卡,設加一
交通:港鐡尖沙咀站 B 出口
泊車:The One $32/hr
平均消費:午巿 $150、晚巿 $300、下午茶 $100、Picnic $250
備註:Picnic basket 於即日至 13/12 逢星期六日 3pm - 5:30pm 供應,須早一日預約

想睇更多?即上 新餐廳 / 尖沙咀 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】日清盈優青汁套裝!↓

↓ 日本製造 / 清爽蘋果味、濃厚白桃味 / 有助維持腸道及皮膚健康!


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more