事實唔係咁簡單，睇真啲，甜品款式居然和西菜相若，兩部分都是小店靈魂。有這樣的安排，原來是因為三位老闆中兩位是大廚，西廚廖師傅與甜品廚馬師傅識於微時。「我哋識咗 20 幾年，一齊喺灣仔萬麗酒店打工，20 年前已經想夾份開餐廳，之後各散東西。」他們說。
廖師傅一句：「每個廚師都想開一間屬次自己的餐廳。」
馬師傅立時附和：「廿年來，始終想完成自己心願。」
大家理念相同，為興趣、為心願、為滿足感，決定以酒店水準去營運小店。馬師傅說這裏用的材料都是酒店級數，如法國忌廉、比利時朱古力等。款式也是在酒店慣做的，例如凍食梳乎厘、用原粒榛子炮製的芭菲，希望客人可以平民化價錢食到酒店甜品。現時供應拿破崙、法式燉蛋、奶凍 10 多款甜品，全部由馬師傅親自製作，款式雖然大路，心思卻在細微處，拿破崙即叫即時將酥皮逐塊燒香、Churros 也是自己打麵粉即炸，分量十足，比連鎖甜品店的出品有心思兼抵食得多，難怪開店不久，已經有熟客常來。
師傅也樂於接受客人意見，有民主牆讓客人寫下意見，眼見好評居多，多數大讚服務有禮、製作用心。西廚廖師傅也笑說：「做咗咁多年廚師，終於開到屬於自己的舖，滿足感十足！」在這裏吃甜品，不只客人吃得滿足，原來大廚比誰都更快樂。追夢，其實永遠不怕遲！
芒果凍食流心梳乎厘 $55
芒果慕絲輕盈得似剛焗好的梳乎厘，入口化開，流心芒果蓉甜度剛好，滿足但不膩。
呍呢嗱及綠茶法式燉蛋伴西班牙炸脆條 $55
即叫即炸自家製 Churros，外脆內軟，比利時朱古力醬也是自煮，還有原味及以抹茶粉炮製的燉蛋，分量十足。
榛子芭菲伴法式曲奇 $55
以原粒榛子、牛奶朱古力和脆糖炮製的芭菲，榛子味香濃，咬到粒粒榛子和脆糖，味道質感都豐富。
士多啤梨拿破崙伴雪糕 $48
有柯打才即焗酥皮，再撒上糖霜燒香，層層鬆脆，夾雜滑溜吉士，水準不錯。
阿拉斯加士多啤梨藍莓芝士馬鈴 $55
焗蛋白包着藍莓忌廉芝士蛋糕，中間還有士多啤梨蓉流心，酸甜平衡，很清新。
白桃奶凍伴金寶 $42
意式 Panna Cotta 香甜幼滑，鋪上一層白桃啫喱及自製 Crumble，果香誘人。
Sugar Taste Cafe
地址：土瓜灣譚公道 34E 地舖
電話：2997 8890
營業時間：12nn - 11pm，逢星期三休息
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
