又一城 地道越式美饌

發佈: 2015.12.11
文:

新店佔地五千多呎,空間感十足。而且餐廳以湖水綠為主色調,配以越南陶瓷地磚、絲質吊燈,充滿中法混和嘅殖民地色彩。至於美食方面,餐廳主 sell 正宗、地道越南菜,除咗椰青蒸肉蟹 (HK$538)、安南牛肉湯河粉等招牌菜式,還有其他又一城限定嘅獨家新菜。

香煎扎肉配越式蝦餅 HK$78
蝦餅、扎肉炸至香脆,而未有油膩感。配以金不換、紫蘇葉、牛油生菜以及越南魚露同吃,口味更佳,令味道更為豐富。

湄公河大頭蝦酸湯 HK$238
來自湄公河嘅大頭蝦,以白霞、毛翁、鵝蒂、天然酸子、秋葵、銀芽、生辣椒、菠蘿、番茄等材料熬製而成,配以肉質鮮甜嘅大頭蝦以及「掛湯」嘅越南檬粉,味道酸酸甜甜,而且菠蘿嘅果香甚為明顯。

南越咖喱牛筋腩 HK$138
牛筋較為軟腍黏口而不過分,牛腩更加出色,軟腍得嚟又有口感,啖啖肉都滲着咖喱香味。配上附碟嘅越式法包,令法包盡吸咖喱湯汁。而且咖喱香而不辣,非常適合怕「辣」之人以及小朋友。

蕉葉糯米飯 HK$88
選用黏性高嘅越南糯米,浸約 20 分鐘後加入油、鹽調味再蒸至軟熟,再加入各自爆香嘅蝦米、扎肉粒、臘腸粒及蛋絲同炒,最後濽入葱油,以新鮮蕉葉包裹而成。齋聽材料都覺得豐富,糯米飯吸收蝦米、臘腸、蛋絲、蕉葉等材料嘅香氣之餘,食落又煙煙韌韌,甚有咬口。

香茅砂鍋田雞飯 HK$138
以香茅、薑片及蒜爆香越南名產之一嘅田雞,再放入飯面焗,香濃嘅田雞肉味及醬汁滲入飯中,非常鮮甜。

越式青檸冰茶 $48
以新鮮青檸及紅茶調配而成,帶有青檸嘅甘香,很解渴。

熱情果莫吉托 $68
材料有 Bacardi 冧酒、熱情果果肉、青檸、薄荷葉、蔗糖、橙汁及梳打水,酒精濃度不高,很易入口。

安南越南餐廳

地址:九龍塘達之路 80 號又一城 L1 層 20 號鋪
電話:2866 2803
營業時間:星期一至五 11:30am-10:30pm;星期六、日及公眾假期 11am-10:30pm

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more