呢間叫 Jinjuu 的韓國餐廳，由曾修讀法國烹飪學院的美籍韓裔廚師 Judy Joo 主理，由於長年受外國文化影響，加上熱愛新嘗試，所以餐廳的菜式除了極少量傳統韓國菜和 upgrade 版的韓式街頭小食，其他菜式同飲品都同西餐 jam 埋一齊！開業短短一年，已引起米芝蓮的注意和讚揚。
登陸香港，選在多鬼佬出沒的蘭桂坊登陸，更帶來大部分招牌菜。踏進餐廳，即可見到工業味濃的裝潢撞上韓式塗鴉與吊飾，還有十分 eye catching 的酒吧，燈光昏暗，先從視覺點出韓西合璧的氣氛。揭多幾頁餐牌，你或許會更懷疑這裡是西餐廳。食物賣相的確都好西餐，模樣似乎就是漢堡包、taco、cocktail、西式甜品等，卻都融入了韓國的元素：漢堡加了泡菜，taco 加了韓式沙律，cocktail 竟也加了泡菜、人參糖去調製！用料也非常講究：雞肉全部選用成本較高的澳洲無荷爾蒙的走地雞、牛肉用 USDA Prime Grade 的穀飼牛、Grade A 澳洲草飼牛或和牛、豬肉用西班牙黑毛豬等等，醬料又堅持 homemade，菜式有創意之餘味道也出奇地夾。
Judy 話 :「傳統韓國菜不是不好，不過為它加入一些西式元素，有新火花之餘最重要是味道也可以很好！更何況 Today’s invention will be tomorrow’s tradition！」的確，今時今日西式韓菜在香港也不是首現的新鮮事，不過單是見到 Judy 對食物的這份心思和堅持優質的用料，就值得來支持。
The Jinjuu Tong Dak $600
份量超大，足夠 3-4 人 share，用的是澳洲無荷爾蒙的走地雞，蘸上香港少見的猶太麵包糠及經雙重炸製而成，特別香口，內裡嫩滑，附設的甜豉油和辣醬也是自家調，非常惹味，另有烤粟米及韓式捲心菜沙律等配菜，味道清新。
High-grade Australian Wagyu Sirloin (200g) $480
Upgrade 版的韓式烤肉拼盤，將高級的澳洲和牛西冷燒至約半熟，再像平時在燒肉店吃 SSAM 般用芝麻葉、泡菜、飯等包著吃，牛肉油香豐腴有厚度，吃得滿足。
Snickers Hotteok $88
包入焦糖及烤花生的餡餅，本是韓國傳統街頭小吃，這兒配埋自家調朱古力 ganache、nutella 粉，加上西式的擺盤，味道更有層次之餘感覺仲 upgrade 了不少。
Fried Apple Mandoo Pie $65
靈感來自小時常吃到的麥當勞蘋果批，Judy 將它變成餃子的造型，包入用肉桂等煮卜過的蘋果粒，再在外面沾上肉桂糖，食落香甜脆卜卜，Judy還特地為這甜品設計了一個帶中式元素的盒子，好搞鬼！
Mandoo $80
餃子每天新鮮自家包，分別釀入混了洋蔥、蒜頭、豆腐、牛肉及豬肉再蒸熟，食落 juicy 樸實，是店內比較傳統的一個菜式。
Bulgogi Beef Tacos $130
餅皮內夾了切成薄片的澳洲牛柳、韓式捲心菜沙律、牛油果及洋蔥等，餡料非常多，口感豐富。
Spiced Kimchi Mary $130
加入泡菜、蕃茄汁、黑椒 infuse 的燒酎番茄汁等調成，微辣刺激，味道非常特別。
Jinjuu
地址： 中環蘭桂坊德己立街加州大廈 32 號 UG 層
電話：3755 4868
營業時間：星期日至四 12nn-1am，星期五及六 12nn-3am
收費：現金及信用卡，設加一
交通：港鐵中環站 D 出口
泊車：新世界大廈 $30/hr
平均消費：$150 (午市)、$500 (晚市)
想睇更多？即上 中區 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
