出租大廚 x 大鬧廚房開派對

發佈: 2015.12.16
文:

誰想狂歡過後還要做善後呢,這世界有此想法的不只我一人,Rent-A-Kitchen 的創辦人 Cathlanthia 也有同感,再加上深感香港的土地問題,連在家中玩溫馨煮飯仔也不是易事,要招呼一班朋友更難,因此,她便開設了出租廚房,讓你隨時可以大顯身手之餘,執拾洗碗清潔全部不用自己動手。

Rent-A-Kitchen 上年在觀塘開業,當時第一間 Kitchen Stuido 規模較細,只有 400 呎,容納 12 人很舒適,不過想搞大型少少就唔多夠大。有見及此,他們剛在同區擴充,開設 1,000 呎大單位 Party Kitchen,足夠容納 30 人齊齊開派對。所有煮食爐具設備齊全,除了兩組爐頭兩個焗爐,更有 Le Creuset 及 Staub 等靚煲供客人使用,簡直可以搞場廚藝對決。

廚房用具夠齊,另一方面這個「廚房」亦備有麻雀及 PS4 等大人玩意,負責等食的朋友都唔會悶。當然,如果你還是很擔心自己的手藝唔見得人,你亦可以選擇叫到會,甚至更高級一點,請個私人大廚幫你煮一場。店子剛與一名年輕西廚 Raymond 合作,推出埋「出租大廚」服務,最低消費 $1,200,便可以請大廚替你煮一場私房菜,既可煮浪漫西餐,亦可煮出 party 小食,菜式當然靈活多變。Raymond 的拿手菜是扒食,但試過他即做的南瓜湯,也絕對是西餐廳水準。

兩個廚房都位於觀塘,交通方便之餘,買食材也很方便。廚房的出租時間,日間通常為 4 小時,晚餐則是 6 小時,原來除了開派對外,更有不少人租場求婚搞生日派對等,還是那句,煮完玩完食完,唔使洗碗清潔,兩袖清風回家去,這樣開派對才夠爽!

忌廉菠菜帶子伴梅子醬油啫喱及帶子刺身 $108/ 位
帶子兩吃的菜色,香煎的帶子配忌廉菠菜香口,而梅子醬油啫喱則鹹中帶酸,可伴以刺身吃。

黑松露南瓜湯 $600 ( 15 位用)
經烤焗過的南瓜再成煮忌廉湯,最後加入黑松露醬增加香味。

香煎三文魚伴黑糖 $198/ 位
鮮味三文魚半煎半焗至皮脆肉嫩,伴以黑糖做成的汁及焗蔬菜。

Rent-A-Kitchen
地址:Kitchen Studio 觀塘道 404 號時運工業大廈 5 樓 H1 室;Party Kitchen 觀塘開源道 55 號開聯工業中心 A 座 3 樓 12 室
電話:6464 2910
包場收費:400 呎 Kitchen Studio 4 小時 $1,280 起,1,000 呎 Party Kitchen 4 小時 $2,150 起 (價錢不包括食物),另設 6 小時、9 小時及全日包場方案,另議。
備註: 出租大廚最低消費為 $1,200。

相關報導:
神秘抵玩 歐陸美食

想睇更多?即上 聖誕節 / 聖誕自助餐 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Ísey Skyr健康冰島乳酪套裝!↓

↓ 使用比普通乳酪多近4倍的牛奶!/ 好像Gelato義式雪糕一般的口感!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more