小儀:淺水灣長「炭」喜知次

發佈: 2015.12.22
文:

唔知係咪「失落」呢兩個字印咗喺我塊面度,為咗令自己唔好再失落落去,我要食超傳統嘅日本嘢。

於是,我就嚟咗呢度啦。大家望下我右邊,右邊呀!見唔見到個堆火,呢堆唔係普通火嚟,係備長炭火嚟,即係大家睇日劇見到,啲漁民將啲魚用竹簽串起再插起沙堆烤嗰種場面,呢種係日本傳統嘅「濱燒」,估唔到香港都有,你話呀,係咪無理由唔入嚟試先。

「濱燒」係日本啲漁民發明嘅,王道捉到靚魚就即捕即燒,咁嘅境環當然要點條靚魚食下,見到餐牌有魚王「喜知次」,唔得了,用備長炭「濱燒」的喜知次,魚身仲係脹卜卜,魚肉都燒都彈晒出嚟,同師傅傾偈,呢種燒烤效果就係呢度用備長炭嘅原因,因為一篝火要用上 12-15 枝炭,溫度平均有成 1,200℃,用嚟燒魚,迅速鎖住魚汁,但外層又燒到脆卜卜,遇到魚王喜知次呢啲魚肉煙韌嘅魚,唔單止可以燒到好彈牙,仲逼到魚嘅膠質出嚟,當然,仲有個陣好香嘅炭味。我仲八到呀,原來呢啲備長炭超貴,15kg 要 $1,000,嘩!炭中黃金呀!真係要細心嗒真啲魚肉炭香先得。

見到間舖起淺水灣,裝修又高高級級咁,我最初都以為好貴,但當我啲朋友仔點咗個 Sukiyaki,原來都好實惠,用油香甚豐嘅澳洲和牛,兩位都係收 $468,價錢相當合理,雖然我唔吃牛,但都要推介下。

呢度仲有串燒、刺身、燒物、鍋物、炒飯等叫,因為始終都係西洋人多嘅淺水灣,仲有埋 cocktail 叫㖭,佢哋啲嘢食仲混合咗西日元素㖭,好似我哋叫嗰個乳豬咁,做法跟返西班牙,但就配咗好有日本清酒蘋果及柚子醬醒下味蕾,喺呢度叫杯雞尾酒再歎炭火串燒,真係火燒旗桿呀,遊埠一樣。

SHOKU
地址:淺水灣海灘道 28 號 The Pulse 地下 109 號舖
電話:2808 2333
營業時間:星期一至四 12nn - 10:30pm,星期五及六 12nn - 11pm,星期日 11:30am - 10pm

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more