西班牙 黑毛豬主題餐廳

發佈: 2015.12.31
文:

老闆不惜豪花 22 萬,從英國購入用金片砌成的黑毛豬圖案馬賽克牆畫,更不惜花費 24 萬添置意大利真皮梳皮,讓客人坐得舒舒服服。對於庶民區荃灣來說,真係好突破!

揼本還不特止,老闆專誠找來中環做開 fine dining 的大廚,以西班牙黑毛豬自製漢堡、沙律、豬肝醬、Paella 大鍋飯,主菜還有煎豬架、豬排骨、豬腩卷、烤乳豬,花款多多,賣相精緻,細微處盡見心思。頭盤黑毛豬火腿精挑 48 個月,分別來自大廠 5J 及農民小廠 Casabla 的精品,橡果味豐潤,切片後放在豬仔形狀的木盤上,賣相好吸引!頭號力推 burger,個 bun 是自家製的西班牙式茴香籽麵包,柔軟得來帶微微香料幽香;餡料可揀黑毛豬芝士漢堡或黑毛豬腩肉。後者製作甚花功夫,以香草白酒慢煮 48 小時,再經風乾,最後以蘋果木煙燻 6 小時,肉味濃郁,帶 smoky 香。其他豬類主菜,全是花上一兩日 slow cook 的,令肉質腍軟,老人家都不怕咬到牙軟。

除了豬肉,還有其他時令新鮮海鮮生蠔、自家 dry aged 安格斯牛扒、自製 3 款 pasta,不吃豬也大把選擇。主菜平均百多元而已,消費比出面平兩成半,自己舖位唔掠水實在難得!

西班牙黑毛豬腩肉芝士漢堡(連薯仔、沙律)$108
豬腩肉油潤甘香,滲煙燻味;茴香籽麵包烘得香口;瑞士芝士香突出。薯條配墨汁芥末醬及黑松露蛋黃醬,味道濃郁。

西班牙黑毛豬肝醬(配脆多士)$68
加入白蘭地、些利酒、砵酒煮成醬,佐自製多士吃,豬肝醬濃潤香郁,多士鬆脆。

香草烤西班牙黑毛豬腩卷 $148
慢煮48小時,索盡香料果香及酒香,肉質超腍,肉汁十分香濃,好吃!

香煎西班牙黑毛豬架 $168
豬扒用意大利煙肉捲著邊位煎香,令外邊甘脆,封鎖豬扒肉汁,並吸收煙肉香氣。

法式香草烤乳豬 $148
慢煮18小時,再風乾8小時,加入4種香草烤,皮脆肉嫩又juicy,滲香草芳香。

5J西班牙黑毛豬火腿(48個月)$238
嘗到朕朕橡果香,肉味濃。附上西班牙橄欖及多士,一齊食更滋味。

El Cerdo

地址:荃灣大壩街77號地下
電話:2882 3811
營業時間:星期一至六 11am-11pm,星期日 10am-10pm
收費:現金及信用卡,設加一
交通:港鐵荃灣西站 A2 出口
泊車:灣景廣場 $13/hr
平均消費:$250
備註:Happy hour 3pm-8pm,啤酒餐酒買一送一

想睇更多?即上 新餐廳 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Ísey Skyr健康冰島乳酪套裝!↓

↓ 使用比普通乳酪多近4倍的牛奶!/ 好像Gelato義式雪糕一般的口感!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more