諗到將年糕做成馬騮仔造型的，是香港沙田萬怡酒店。中菜師傅話潮流興卡通點心，年糕也可以做得可愛一點，就決定趁猴年，做隻活潑的卡通猴子年糕。當中特別找供應商訂造模具，矽膠造猴子模耐熱耐用，脫模時亦容易，不怕猴子「走樣」。
口味有五款，紅糖椰汁、日本紅豆椰汁、抹茶、車打芝士及黑楓樹糖漿，年糕以糯米粉加澄麵炮製，口感 QQ，再分別混入加拿大黑楓樹糖漿、日本紅豆及美國車打芝士等，做出不同味道。食法跟傳統年糕一樣，可煎或蒸來吃，但留意煎香會令猴子「結焦」，蒸就最能保持 kawaii 靚樣。
試食過，個人最愛紅豆椰汁味，椰香滿滿及食到原粒紅豆，紅糖椰汁跟傳統年糕無異，黑楓糖漿味道最濃，帶焦糖味，質感也最黏糯，至於抹茶及芝士味均不算濃。這些猴子年糕都不加防腐劑，需於 5 日內食完，酒店方面現貨較少，想買要快快預訂。
抹茶：將抹茶粉混合粉漿製作，抹茶味輕淡，質感較挺身。
黑楓樹糖漿：比普通楓糖漿深色、濃味，眾多口味中最突出。
紅糖椰汁：即傅統年糕口味，質感軟糯。
車打芝士：將車打芝士蒸軟後加入粉漿，既帶芝士香，又不會蓋過年糕甜味。
日本紅豆椰汁：以原粒紅豆及椰汁炮製，味道最好，食到粒粒紅豆。
沙田萬怡酒店
地址：沙田安平街 1 號
電話：3940 8788
經常有得意點心的鴻星，做卡通年糕一樣掂！今年推出的「萌猴雙喜年糕禮盒」就有 2 個 cute cute 馬騮頭「萌猴年糕」，樣子盞鬼趣怪，原來係片糖味年糕，以糯米粉、片糖製作，味道質感都跟傳統年糕一樣。
禮盒還包括金絲貢棗糕及黑糖年糕，前者嚴選新疆大棗，比一般雞心棗多肉、清甜。黑糖年糕則用上沖繩黑糖，營養豐富、甜度適中，用日本竹葉包裹，令年糕添一抹清香。建議兩款糕點切片蒸煮，再置室溫放涼進食，有種吃東南亞糕點的爽彈質感。
萌猴雙喜年糕禮盒 $188
包括 2 件萌猴年糕、金絲貢棗糕及黑糖年糕，抵吃。
鴻星
銷售點：全綫鴻星中菜
電話：2628 0080
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
