Plat du Jour 分店落戶金鐘太古廣場，正正坐落於廣場地下的中央位置，地方比鰂魚涌店大，店子外還有個「後花園」！餐廳設計在傳統巴黎風格的基礎上注入摩登元素，大門鋪上馬賽克地磚，梳化又用上酒紅色皮革，迷你的小圓形雲石枱，還有簡約的仿鎢絲燈泡，感覺猶如置身完全地道的 Bistro 中，配合柔和燈光，有一種身處巴黎的浪漫。
新店同樣打造傳統法式料理，菜牌簡單不造作，行政總廚 David Parkin 一向選料嚴格，首次推出情人節晚餐，特別設計出 4 道誘人菜式集合了法國生蠔、鵪鶉、牛仔肉或鱸魚，食材大多是法國貨，最驚喜的是在太古廣場地段，卻只收 $888/ 2 位！
頭盤先來是港人最愛的法國新鮮生蠔 De Claire No.3，肥美生蠔配上 mignonette sauce 與 cocktail sauce，吃起來有陣榛果香氣，非常特別。熱頭盤用上法國鵪鶉，David 特意選了法國北部最當季的鵪鶉。眾所周知法國人鍾情野味，尤其是鵪鶉，大廚先用香草、羅勒、月桂葉等香料醃好後，拆骨然後釀鴨肝，再以慢火煎 10 分鐘左右，將味道昇華，讓食客盡嘗鵪鶉的鮮嫩肉質。主菜方面有牛仔肉扒及香煎鱸魚兩款選擇，法國牛仔肉夠軟腍，吃起來濃郁富肉汁；鱸魚從智利進口，簡單用鹽作調味後煎香，感受最新鮮的海底滋味，配上茴香菜，清新不膩，濃淡味道任君選擇。最後的甜品朱古力火鍋很富趣味，可讓戀人食下玩下。朱古力火鍋以 70% Valrohna 黑朱古力煮成，配上色彩繽紛的水果，使整個賣相更添別緻，你一啖我一啖，甜甜蜜蜜。
法國牛仔肉扒 (主菜 2 選 1)
肉身軟腍，味道濃郁多肉汁。
法式鵪鶉釀鴨肝
鴨肝味道濃而不膩，配上鵪鶉的香甜，味道極佳。
朱古力火鍋
以法國 Valrohna 朱古力炮製的朱古力火鍋，配以色彩繽紛的水果，感覺不會太 heavy。
煎鱸魚柳配茴香菜 (主菜 2 選 1)
魚肉鮮味又帶出陣陣小茴香的味道，香滑鮮甜！
Plat du Jour
地址：金鐘道 88 號太古廣場 LG1 層 007 號舖
電話：2715 0511
營業時間：10am-10pm
收費：現金或信用卡，設加一
交通：港鐵金鐘站 F 出口
泊車：太古廣場 $25/hr
平均消費：$800
備註：情人節 5 道菜賞味晚餐 $880/ 2 位。
想睇更多？即上 情人節 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
