熱賣的任食雞煲 X 邊爐套餐，價錢輕輕加了十零廿蚊，不過依然豐富抵食：每位 $258，可在 2.5 小時內任食四川雞煲，另上鮮茄野菌花蛤蟹鍋打邊爐，可任食近廿款配料，套餐仲包埋刺身、手切牛肉、海鮮拼盤、甜品各一客，好豐富！難得店子沒有將貨就價，堅持用靚料，雞煲用清遠走地雞、蟹煲、海鮮盤的海鮮又用每天下午才在附近街市買的新鮮貨，連牛肉都指定用成本較高但口感好得多的手切牛肉，難怪開業只短短一個月已極速爆場！
四川麻辣雞煲 ( 4 人分量)
任食的雞煲用的是清遠走地雞，配上多種自四川入口的香料泡製，為了令大家易掌握食雞的最佳時間，雞煲上桌時會附設 timer，3 分鐘就食得！
鮮茄花甲野菌蟹鍋 ( 4 人分量)
湯底用上本地大肉蟹、湛江花甲公及大量蔬菜熬成，清新鮮甜。
本地手切牛頸脊 ( 4 人分量)
套餐包括一碟手切牛頸脊，分量按人頭計，手切的牛肉厚薄適中有質感，肉質腍滑，肥瘦分布平均。
泰式生蝦刺身 ( 4 人分量)
套餐包的刺身，生蝦刺身彈牙鮮甜，刺身款式視乎當天食材而定，偶爾供應象拔蚌刺身或挪威三文魚刺身。
海鮮盤 ( 4 人分量)
包括 8-11 款海鮮，款式依時令供應，均是每天自附近街市選購，非常新鮮，採訪當日就有新鮮鮑魚、帶子、蟶子、脆肉鯇等，夠晒回本。
任食配料
任食的火鍋料包括各款丸類、餃類、各款蔬菜、麵食等，種類近廿款。
一哥私房菜
地址：佐敦佐敦道 28-28A 號佐敦廣場 2 樓
電話：6999 0050
營業時間：6pm-2pm
收費：只收現金，設加一
備註：套餐最少 2 位起，星期一至四 $258/位，星期五至日及公眾假期前夕 $268，另加醬料費 $10 及前菜 $20，建議訂座。
(原文摘自 U Magazine ISSUE 537)
想睇更多？即上 自助餐 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
