驚喜連連 藝術菜單
香港文華東方酒店是 Art Basel 香港展會指定酒店夥伴，「動作」特別多，快船廊的下午茶、餅店的朱古力、M bar 的雞尾酒都有藝術蹤跡！最吸引是由文華扒房及酒吧推出的「藝術菜單」，菜式分別做成毛筆、街頭藝術品、動物標本、調色盤等造型！
像毛筆，筆尖其實以阿拉斯加蟹肉酥炸而成，「墨汁」則是 4 種醬汁，有橙、柚子、芫茜和芥末口味，過癮！大廚突然又將鯖魚標本推出來，好震撼！靈感源自當代著名藝術家 Damien Hirst 的動物標本成名作，鯖魚內釀了小龍蝦，存放標本的啫喱則以青瓜和辣根汁製成。最好玩莫過於甜品環節，大家要動手在木盒內考古挖掘！金磚、獅頭、玉石、古碗，原來是糖、威士忌蛋糕、呍呢嗱雪糕、朱古力‧‧‧‧‧‧每道菜上桌都令人驚艷！
中國書法
靈感源自中國書法藝術，以文房四寶中的筆、墨和硯呈現；毛筆筆尖以酥皮包裹阿拉斯加蟹肉炸，脆脆的滿口蟹鮮，沾橙、柚子、芫茜和芥末醬汁同吃，好滋味。
調色盤
主角美國小牛排以 68 度低溫慢煮 36 小時；「顏料」則是多種醬汁，包括黑松露、椰菜花、黑蒜、南瓜、三色椒、茄子和菠菜，自己為牛排「上色」。
發掘藝術
木箱內的金磚、獅頭、玉石、金塊、古碗統統是甜品！有威士忌蛋糕、呍呢嗱雪糕、牛奶朱古力、榛子朱古力和糖等，大家盡情尋寶吧！
文華扒房及酒吧
地址：中環干諾道中 5 號香港文華東方酒店
電話：2825 4004
備註：藝術菜單供應日期為 3 月 14-27 日；3 道菜午餐 $988/ 位、5 道菜晚餐 $1,888/ 位（設加一）
中式藝術展現
半島酒店的 Felix 餐廳，今年繼續支持，供應以外太空為主題的藝術菜式，不過論搶鏡，就唔及中菜廳嘉麟樓。第一次推出中國味濃的藝術主題餐單，以中國水墨畫、砂壺工藝、雕刻、編織、書法及京劇面譜取靈感，數最活靈活現的一定是「金魚河蝦沙律」，成幅水墨畫中的金魚模樣，仲要係 3D 版！「花膠瑤柱葱油墨魚汁麵」以墨魚汁代墨汁，在燴麵旁大筆揮一個「禪」字，展玩出書法美感。
金魚河蝦沙律
金魚造型其實是河蝦蕃茄沙律，好有驚喜。
花膠瑤柱葱油墨魚汁麵
墨汁寫成的「禪」字，盡展師傅的書法造詣。
嘉麟樓
地址：尖沙咀梳士巴利道半島酒店 1 樓
電話：2696 6760
備註：供應期為 22/3 至 17/ 4 晚市供應，$1,688/ 位 ( 6 道菜，4 位起)，須於 2 天前預訂。
名畫化身雞尾酒
原來藝術唔止可展現於菜式中，酒杯裏都得！酒吧經理 Rush 特別向 3 位國知名藝術家致敬，利用雞尾酒作畫布，把名畫家的畫作展現在杯中。這杯靈感源自梵高《星夜》 (Starry Night, 1889)，特別加入少量藍橙酒以重現畫裏的藍色夜空，襯托手繪的橙黃圓月及雲，好有《星夜》原著的韻味。
廷廊
地址：尖沙咀北京道 8 號香港朗廷酒店
電話：2132 7898
備註：於 3 月 23 日至 4 月 30 日每天 3pm 後供應
(原文摘自 U Magazine ISSUE 537)
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
