小儀:地獄廚神倫敦屋

發佈: 2016.03.22
文:

睇返啲相搞到我好懷念喺倫敦嘅日子,呢個時候梗係要搵英國菜食下,見唔見到我連件初都有英國旗,係咪睇到出我好想飛個去先?

喺我心目中,英國國寶除咗碧咸同 Jamie Oliver,仲有佢哋嘅名廚 Gordon Ramsay,我季季追 Master Chef 同 Hell's Kitchen ,都係為咗睇佢罵人有幾「啜核」,當 Jamie Oliver 開咗舖嚟香港,我就諗幾時到 Gordon 呀。諗時遲,到時快,佢話咁快就開咗兩間,突然思喺 London 嚟,我就即 call friend 落尖東海徬,試佢呢間 Gastropub。

呢度喺正尖東海徬,好有 Canary Wharf 啲海彷酒吧 feel,望到港島夜景,黃昏嚟食景真係一流。喺尖東返工嘅朋友同我講,5:30pm 後一放工,好多老外都特登嚟飲啤酒,針都插唔入㗎。

啤酒同炸魚薯條直頭係英國國粹嚟,嚟到點可以唔叫先,旁邊嘅豆蓉仲有啲驚喜。但我一向都鍾意以脷試法,打開餐牌見到傳統過傳統嘅英國菜「牧羊人批」(shepherd's pie)同「伊頓雜糕」(Eton Mess),我老虎蟹都點嚟試。

喺 Master Chef 裏面,Gordon 不下幾百次講過牧羊人批同伊頓雜糕係佢由細食到大嘅 comfort food,細個整畀佢食嘅,梗係佢老媽子 Mrs Ramsay,佢將老媽子嘅私家配方 upgrade,將呢兩款英國名菜都放入餐牌,我哋有機會試到 Gordon 口味。

牧羊人批,講真,羊味超濃,啲薯蓉吸晒啲羊肉香味同香草味,超濃超飽超重芝士味,寒冷嘅冬天食真係一流,都係叫多幾個 friend 些牙好。一樣係肥嘟嘟嘅 Eton Mess,睇電視我成日見 Gordon 整畀啲仔女食,今次終於有機會食到,好多 cream 好多士多啤梨同馬令碎,熱量勁高,不過都係嗰句唔肥唔 comfortable 囉,食埋先減啦,傻豬豬。

因為我同食肉獸同行,又不經意畀我發現咗一味好嘢,二人用,都幾抵食,有齊香腸、羊架、雞胸、西冷同煎蛋,yeah!點多杯加大啤酒再講,超 comfortable,yeah!yeah!yeah!

London House

地址:尖沙咀麼地道 66 號尖沙咀中心 G5 號舖
電話:3650 3333
營業時間:星期一至四 11am - 1am,星期五 12nn - 2am,星期六至日及公眾假期 11am - 2am

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more