旺角實驗廚房

發佈: 2016.03.19
文:

霓虹光管、手拉鐵閘、鐵窗框、水泥地板、鎢絲燈膽、鋪天蓋地的水喉鐵通裝飾,一室工業風。

驟眼看像間酒吧,其實是餐廳,頭盤小食主菜廿多款,大部分都適合 share,你可以來晚餐宵夜,也可來飲兩杯吃點小食,傾一個晚上。不過,一旦坐下,話題必定離不開菜式!東南亞、中、西、韓式兼備,卻又與想像中不一樣。明明點泰式生菜肉碎包,入口卻是川辣香;韓式泡菜炒黑豚片,不配生菜,配墨西哥薄餅;煙鴨胸,配甜酸醬和饅頭,有北京填鴨影子;玻璃瓶載着的青木瓜沙律,加了中式窩筍,配凱撒汁,打開時還在冒煙,好香!每款菜式的配搭與味道都估佢唔到,做到有驚又有喜。

「呢度係 Lab 嘛!菜式都充滿實驗性。」老闆黃先生說。他早年在附近開設「陸陸雞煲」,走摩登 style,大受歡迎;既然火鍋店有靚材料,不如多開家餐廳,走天馬行空路綫,迎合這區年輕人口味。食材配搭和烹調統統由他與另一位老闆張先生構思,經過多番試味才搬上餐牌;用料和烹調不賴,蠔餅內的不是蠔仔,是日本廣島蠔,肥嘟嘟好鮮味;黑豚用西班牙的,牛肉則用美國 Prime grade 貨色;蝦餅自家手打,蝦多粉少,鮮味彈牙;溫泉蛋、豬頸肉以慢煮烹調,超嫩滑。菜式 $58 起跳,最貴不過 $198,出位的配搭,相宜的消費,這個實驗室,注定屬於旺角潮人。

青木瓜絲窩筍絲沙律(跟炸魷魚鬚或燒豬頸肉) $88
上桌時打開玻璃樽,即被蘋果木香籠罩!青木瓜絲配窩筍,拌凱撒汁,清爽中不失芝香。

鹹牛肉芝士吐司配薯條 $58
加入茶餐廳元素,用鹹牛肉做吐司,加車打芝士焗至半流心狀態,鹹香惹味又滲出牛味!

煙鴨胸跟饅頭 $88
靈感來自片皮鴨,煙鴨胸烤得外層香,內裏柔軟 juciy;醬料甜中帶微酸;加炒紫洋葱夾在饅頭中吃,過癮!

Lab66 推介鐵窩飯 $128
熱辣辣上桌,飯內有牛肉、冬菇、洋葱、粟米和青椒,秘製醬汁以四川辣椒、泡椒和豆瓣醬炮製,甜甜辣辣;趁熱加一把 mozzarella 芝士,舀起有拉絲效果!

香草醬燒豬軟骨 $198
用豬軟骨做,啖啖肉!炆腍再焗,然後塗醬汁燒烤,外層酸酸甜甜脆脆,內裏入味軟滑。

Lab 66

地址:旺角黑布街 74 號 1 號舖
電話:3709 2866
營業時間:6pm-2am
收費:現金及信用卡,設加一
交通:港鐵旺角站 E 出口,步行約 15 分鐘
泊車:金雞廣場 $50/hr
平均消費:$250
註:3 月份新張優惠全單 9 折

想睇更多?即上 新餐廳 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more