日本大熱!特濃「芝」味漢堡!

發佈: 2016.05.25
文:

MOS Burger 新推出嘅特濃摩斯芝士漢堡,之前喺日本先後推出過 2 次,係人氣漢堡之一。將世界三大藍芝士(The Big Three)之一嘅意大利古岡左拉芝士(Gorgonzola)做特濃芝士醬,加落招牌摩斯芝士漢堡度,就變成特濃摩斯芝士漢堡!

漢堡包嘅兩片 burger 皮都烤過,咬落鬆軟好有口感。之前食過摩斯芝士漢堡,芝士嘅味道會畀肉醬蓋過,今次加埋呢個特濃芝士醬,無得輸!第一啖已經食到濃濃芝士味,好creamy,齒頰留香,入面仲有黑椒同白醋,減低芝士羶味。還有招牌厚切蕃茄、漢堡扒、肉醬、蛋黃醬、芥末醬同洋葱,好足料,口感豐富!

個漢堡真係份量十足,食完一個已經好飽。小編大啖大啖食完個包之後,仲有淨咗好多芝士、肉醬、洋葱粒嘅 sauce,MOS Burger香港區負責人仲教路,日本而家好興用呢個 sauce 點埋薯條一齊食,就連佢哋 MOS Burger 社長都係咁食。小編梗係都要試下,發現肉醬芝士醬汁真係同薯條幾 match,大家 order 特濃摩斯芝士漢堡嘅時候都可以試下新食法。

MOS Burger 特濃摩斯芝士漢堡 單買 HK$29-HK$30
試食評分︰8.5 /10

Mos Burger

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more