海邊咖啡即興 PICNIC

發佈: 2016.05.19
文:

店主 Eddie 閒時抱着半歲嘅可愛囡囡賣精品咖啡、自家製甜品同三文治,love always wins,世界最潮就在此店。

呢位潮爸是觀塘精品咖啡加影樓 Latent Image by Eddie Chan 同紅磡文青蒲點 One Little Room 嘅主人,而他的新作,就是手上抱着嘅半歲女兒──陳皮妹,Sorry......離題重作,他的新作就是這間觀塘海濱精品咖啡外賣店。調查都有話在職爸爸,好少機會同仔女相處,難得 Eddie 有得自己話事,所以一有空就帶着可愛的陳皮妹回舖,邊睇舖、邊陪女兒踏青,大陳加小陳加埋咖啡香,超級無敵放閃。海濱對出有草地、有藍天、仲不時有巨大嘅郵船停泊,靚死人咩!Eddie 說難得巿區有這種優美勝地,歎咖啡、碌草地,眈天望地吹下海風,唔應該嘥,既然舖頭供應咖啡小食,都不妨做多一步,為大家準備埋野餐枱同地墊,買完咖啡美食,向舖頭借用嘅木箱同地墊就可以碌草地 picnic。

舖頭以精品咖啡為主,豆子都是 Eddie 找本地嘅精品咖啡店拼配,意式咖啡用的 house blend 好特別,用貴價的非洲豆拼配,啡味淡麗,但滿有花香果香又甜,另類得嚟好易入口;每日也有 4 款單品咖啡,分別來自非洲、中南、南美或亞洲。

別看只賣窩夫、三文治同甜品,Eddie 好有心,好似窩夫,用 single origin 朱古力同坊間少見嘅真‧可可仁做,而且唔用牛油,改以橄欖油,健康又係靚食材;甜品三文治都自家製㗎,簡單唔造作,乜意念咁 Muji 嘅,今次真係要讚康文署識貨喎。

冰滴咖啡 $48(連玻璃瓶及杯)
用了埃賽俄比亞 Kochere 咖啡豆滴 12 小時製成,口感輕柔滑溜,帶 fruity 口味,好清新,好啱夏天飲。

Cafe latte $30
House blend 是巴西、埃塞俄比亞耶加雪夫、Kochere 3 種咖啡豆拼配,沖出來的咖啡 nutty 之餘,仲有淡淡花香、後段有 fruity 果香,甜味不錯,比平常喝到的啡味清怡點,另類得嚟幾易入口。

Homemade waffle $46
Waffle 用巴西的單品可可製,加入了烘香的可可仁,又以橄欖油代替牛油製作,很脆口感實在,有甘香的朱古力味。

Creme burlee the original $34 個(連玻璃杯)
舖頭自家製的,蛋香十足,另有一款加入自家沖泡咖啡做的,以蛋形玻璃杯盛着,好得意。

芝士吞拿魚多士配沙律 $46
即叫即製,厚多士上放了吞拿魚及芝士焗香,香噴噴拿起就食得,好啱野餐。

One Little Room Harbour Front

地址:觀塘海濱道 80 號觀塘海濱花園(近順業街九龍貨倉段)
電話:從缺
營業時間:星期一至五 8am-8pm、星期六日 12nn-7pm(暫定,可參考咖啡店 facebook)
收費:只收現金,不設加一
交通:港鐵牛頭角站 B6 出口,步行 10 分鐘
泊車:偉業街可泊車
平均消費:$40

相關報導:
不是文青 唐樓花廳
爆粗地正 鬼佬涼茶舖
上環唐樓 不時不吃小餐室
MK 不再 嘴刁實驗室
BAND 炮製 分裂地窖型店
冬菇亭 型格甜品大懶床

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more