不只是糉 玩味端午

發佈: 2016.05.22
文:

東海堂 紫薯當道
雪糕、蛋糕、麵包就話有紫薯姐,依家連糭都有紫薯!東海堂新出嘅紫薯紫米糭 ($80;滙豐信用卡 7 折價:$56),用紫米、糯米、九州紫薯粒同紫薯蓉做餡,夾埋一齊煙煙韌韌又有紫薯嘅甜香,口感豐富,啱哂紫薯迷。

東海堂

電話: 2101 1333

聖安娜 不是甜品 桂花糉

桂花唔止可以做桂花糕、桂花糖、桂花茶,仲可以用嚟包糉。聖安娜嘅桂花紅荳糉( $75 /4隻)用天津紅荳磨成紅荳蓉,再配合桂花同泰國糯米,製成桂花紅荳糉。到底佢是甜品定係糉?

聖安娜

九龍香格里拉 抹茶紅豆竟是糉

綠茶無處不在,今次唔係介紹新嘅綠茶 Product,而係宇治抹茶紅豆入侵埋糭界!九龍香格里拉推出宇治抹茶紅豆糉 ($78/隻),用日本宇治百年老店嘅山政小山園綠茶粉,加紅豆蓉入糉。我好亂,分唔到呢個算甜品定鹹點!

仲有一個新 product ──黑松露佛跳牆糉 ($288隻),「佛跳牆」燉湯嘅海參、花膠、瑤柱同雲腿,加埋意大利黑松露入糉,是一隻貴氣逼人嘅高檔糉。

香宮
地址︰尖沙咀東部麼地道64號九龍香格里拉大酒店低層1樓
電話︰ 2733 8483

奇華 最健康嘅糉

紫薯糉呢,奇華都有──桂花紫薯糉,不過小編想 highlight 藜麥肉鬆糉 ($62)。藜麥近年受追求健康飲食嘅朋友推崇,奇華今年就食住個勢,用紅藜麥、蝦米、栗子同肉鬆,製作健康藜麥糉。

奇華
電話:2785 6066

帝京 泡菜扮糉
泡菜湯、泡菜炒飯、泡菜炒豬肉都唔係新嘢,但泡菜糉都係第一次見識到。帝京嘅韓國泡菜和牛糉 ($178;early bird 優惠 $116),外層係 mix 咗韓式味噌醬嘅糯米同紅糙米,中層有韓國泡菜醬綠豆,而內層就係由原條泡菜包著厚切和牛,泡菜汁滲入和牛之中,吸收哂啲泡菜味!

帝京餅店
地址:旺角太子道西193號帝京酒店大堂

紫粵軒 high class 鮑魚糉
另一高檔糉要介紹紫粵軒嘅松露黑豚鮑魚糉配松露醬 ($198;early bird 優惠$178)。糉內有 8 頭鮑魚、美國黑豚肉、蝦乾、原個鹹蛋黃,再用美國黑豚肉取代傳統肥豬肉,食落無咁滯。糉米 mix 埋含鮮草菇同靈芝菇嘅松露醬,以八比二的糯米及綠豆之傳統手法包裹,啖啖矜貴。

紫粵軒
地址:將軍澳唐德街3號香港九龍東皇冠假日酒店2樓
電話:3983 0628

鏞記 糉內藏燒鵝

鏞記嘅炭燒燒鵝出名,今年端午佢都加入戰團,推出至尊燒鵝裹蒸糉 ($218 隻)。喺原粒瑤柱、花菇、鹹蛋黃同腩肉上,加入鏞記燒鵝,燒鵝愛好者可以一試。

鏞記酒家
地址:中環威靈頓街32-40號
電話:2522 1624

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more