搶鮮試 韓國怪獸5.20推冬甩配雪糕

發佈: 2016.05.19
文:

迷你冬甩拼雪糕、3 款水果烏龍茶、2 款新口味軟雪糕,仲新增脆筒雪糕。咁多新野試,食埋呢餐先諗減肥啦!

韓國雪糕店SWEET MONSTER趁 5.20 呢個咁 sweet 嘅日子,於尖沙咀新港中心分店推出全新的迷你冬甩拼雪糕。首次係香港SWEET MONSTER登場嘅冬甩,每天新鮮即製,配上招牌嘅牛奶雪糕上面,再分別喞上焦糖、朱古力或士多啤梨醬,將冬甩蘸上雪糕一齊食,呢個配搭真係好邪惡!

唔止新港中心店有新甜品,全線分店都有新嘢推出!之前去 SWEET MONSTER 淨係得紙杯裝,而家新增 3 款口味的脆筒雪糕,除咗有用咗 75% 以上的首爾牛奶製作的牛奶雪糕之外,仲有 Tiramisu 及花生醬兩款新口味。獨家引入香港嘅 Tiramisu,除咗有牛奶香之外,更混合VALRHONA 朱古力粉、意大利軟芝士、特濃咖啡及手指餅乾多款餡料,好 rich!花生醬則加入花生碎以提升口感,加埋個雪糕筒,真係夠晒爆脆!雪糕店同時推出中型雪糕杯畀你揀,啱晒又想食雪糕但又怕肥嘅你!

雪糕之外仲有 3 款果茶,果茶飲品用咗烏龍茶做 base,加上來自韓國的熱情果香橙、蜜糖西柚及與柚子調配而成,冰凍嘅果茶夠晒fresh!

SWEET MONSTER
備註:迷你冬甩拼雪糕只限新港中心分店(5月20日起供應)

想睇更多?即上 甜品 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more