吹住海風歎龍蝦

發佈: 2016.06.07
文:

在鯉景灣開業不久的 Cull’N Pistol 模仿美國東岸一帶的海鮮餐廳,唔只靠近海邊,又採用開放式設計,裝修設計加入藍白元素,碟子還特地印上海鮮圖案,海洋氣味非常濃厚。

這裡的菜式走新英倫風,另有少量菜式調味融入了亞洲元素。看看店名用了「Cull」同「Pistol」命名 (飲食術語,指龍蝦少了一隻鉗及兩隻鉗),又用上龍蝦做 logo ,大概都猜到龍蝦是店子主角。行政總廚 Christopher Kerr 話:「揀龍蝦,因為我地發現龍蝦係香港人最喜歡的海鮮之一,加上牠又是美國東岸一帶盛產的海鮮,做法仲可以好多元化!」 店子只選用來自加拿大、約 14-18 周大、重量介乎 500-650 克的活龍蝦,由於當地的水溫特別低,龍蝦生長得較慢,但肉質卻特別爽口,味道亦較鮮甜。龍蝦菜式變化多樣,一次柯打幾款吃都不怕單調。想吃原汁原味,又嫌清蒸/或焗太悶蛋,必試招牌的 Clam Bake ,用上原隻龍蝦、大量的蜆、青口、蝦、辣肉腸、手指薯等以自家熬的龍蝦湯及番茄醬同焗,多種鮮味共冶一爐,原來這是東岸最原始又盛行的做法。愛嘗新的,就要試試龍蝦版的 Bloody Mary ,Cocktail 加了龍蝦湯調製,又用上了一隻龍蝦鉗做裝飾,過癮又夠霸氣!想啖啖肉的話,早前大熱的龍蝦包店子也有供應,另外仲有龍蝦肉配菠菜芝士焗做成的 dipping 等,選擇多又有新意!

除了主打的龍蝦,其他海鮮一樣有亮點,好似生蠔,餐廳會引入來自世界各地共十多款時令品種,每天4-5 款輪流供應。魚也做得出色,歎龍蝦之餘不妨也留意當日的 Catch of the Day ,簡單地用加了新鮮檸檬皮的海鹽焗已非常 juicy 好吃。

暖龍蝦包 $188
麵包塗上牛油烘得外脆內軟,再夾入大量厚肉鮮甜的龍蝦肉及淋上檸檬蛋黃醬,清新好吃;配菜粗著條也做得出色,加入了用紅椒粉、胡椒等調製的 old bay seasoning ,辣辣地好惹味!

焗蜆及龍蝦海鮮雜錦 $699 (大,3-4 人分量)
這菜式在美國東岸一帶非常流行,將多款海鮮如原隻龍蝦、蜆、青口等與辣肉腸、粟米及薯仔等用自家熬的龍蝦湯及茄醬等焗,鮮味非常澎湃,賣相仲好震撼。

焗龍蝦及布利芝士伴脆餅 $178
將 Mozzarella 和巴馬臣芝士加忌廉、菠菜及龍蝦肉煮,再加埋 Brie 芝士焗,鹹香 creamy ,用彼得包佐來食好夾。

Lobster Bloody Mary $118
Bloody Mary 中還加入了自家熬的龍蝦湯調製,又辣又鮮又富茄香,飲落刺激又驚喜,cocktail 上仲加了隻已去殼的龍蝦鉗做裝飾,霸氣!

Salt Baked Fish (時價)
有盲鰽、鱸魚及其他 catch of the day 的選擇,將魚用混入了檸檬皮及蛋白的海盬蓋着焗,鹹香肉嫩,簡單美味。

Cull ’N Pistol
地址:西灣河鯉景灣太康街 55 號 A 期 GA1-3 號舖
電話:2513 0199
營業時間:星期一至五 12nn - 1am,星期六及日 11am - 1am
收費:現金及信用卡,
交通:港鐵西灣河站 A 出口
泊車:門外可泊車
平均消費:午巿 $150、晚巿 $400(設加一)

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more