搵命搏!XXL西班牙狗爪螺!

發佈: 2016.06.10
文:

為了慶祝餐廳開業第 18 個年頭,獨家引入在西班牙被譽為「King of Seafood」的西班牙狗爪螺,成為一班西班牙熟客的新寵兒!

總廚 Jesus Pascual 說︰「狗爪螺這東西,矜貴在於要搵命搏,兼人手逐隻捉先可得到,因為牠們生長在近海面的懸崖邊,捉螺人要在腰間套上繩圈再吊落懸崖,懸崖之上的拍檔要控制著繩圈,幫助避開大浪才能捉到,危險又費時,加上數量不多,就算在西班牙,都非常罕有。」睇睇西班牙狗爪螺的真身,OMG!足足有成隻尾指咁長,比起有緣才會遇上的本地貨,起碼係 double size!由於食狗爪螺主要是食陣海水味,所以 Jesus 只用鹽水及月桂葉白烚,食落非常粗壯爽甜,愛吃重海水味的海鮮控試過一定勁 like!


除了 XXL 狗爪螺是必食,店子還新推了一系列坊間罕見的海鮮菜式,包括引入足 9 吋、有成隻手肘咁長的西班牙紅蝦!這巨蝦特地從西班牙的 Canary Islands 直送,這 size 幾乎每一百隻先得兩三隻,來貨價每 Kg 要成百蚊,好矜貴!最好的食法就係輕輕煎香、上面加簡單香料燒過,就可食到外香內似刺身的幾重口感。新推的海鮮菜式還帶來西班牙北部巴斯克 (Basque) 的地方菜,當地位處西班牙及法國交界,衍生出獨有的飲食文化,其中這個蟹蓋,用上原隻蜘蛛蟹釀拆肉,加蟹膏及忌廉、酒同煮,再釀回蟹蓋,是當地傳統的正餐,豪氣又鮮味!

加里西亞狗爪螺 $260/150 克
食狗爪螺主要是吃其海水味,所以只要簡單地用鹽水及月桂葉白烚就最原汁原味,肉質爽甜,海水味極濃。

巴斯克式煮蜘蛛蟹 $290
將來自西班牙西部捕獲的蜘蛛蟹拆肉後再與它的蟹膏、忌廉、白蘭地、番茄及大量香草同煮,再塞回蟹殼,非常鹹香 creamy 有層次,配自家製的脆麵包吃一流!

燒西班牙巨型珍寶紅蝦 $320
長度足有手肘大!先將紅蝦輕煎後再在面層塗上由橄欖油及香芹調成的醬汁,再將面層燒香,蝦肉非常鮮甜,外面香口,內裡卻像刺身般嫩滑,食完蝦肉記得要吮埋蝦頭的膏!

西班牙紅蝦鱈魚魚肚大蜆砂鍋燉飯 $340
將大量蔬菜及已去掉水份的鱈魚煮過,再加入自家熬的海鮮湯、白酒、加了藏紅花炒過的 Bomba Rice、蜆及西班牙紅蝦等,米粒嗦滿濃濃的鮮味,味道有點像湯飯版的 paella。

Ole Spanish Restaurant
地址:中環雪廠街 24-30 號順豪大廈 1 樓
電話:2523 8624
營業時間:星期一至六及公眾假期 12nn - 3pm,6pm - 12mn;星期日休息
收費:現金及信用卡
交通:港鐵中環站 D1 出口
泊車:新世界大廈 $30/hr
平均消費: $400(設加一)

想睇更多?即上 中區 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more