酒店大廚 隱世 VEGAN CAFE

發佈: 2016.06.13
文:

他曾於洲際酒店、黃金海岸酒店工作,更在中環素食餐廳 Life 擔任總廚 5 年,去年跟舊同學自立門戶,把這裏打做成純素(Vegan)cafe ,供應 all day veggie menu ,試業短短 2 星期已吸引大批素食者聞風而至。

餐廳賣純素,所有菜式不含蛋奶,難免令人覺得口感味道方面會較普通素食失色,Derek 便別在這裏多下工夫。像招牌漢堡,素漢堡扒堅持人手搓製,漢堡扒以糙米、甘筍、洋葱等蔬菜蓉搓成,甚有嚼勁,口感不會比肉扒差。純素版的 tiramisu 「tofu-misu」最見 Derek 煮素功架,是以豆腐、豆奶、椰子油取代忌廉芝士,做出來口感跟一般 tiramisu 同樣細滑,卡路里都都低咗。他也愛為素食動動腦筋,如忌廉,就用腰果打出帶油分的汁來摸仿,沙律醬則以新鮮豆腐加檸檬汁、橄欖油拌勻以代替,味道更清新。

為照顧有宗教信仰的素食者,店子更將推出非五辛菜單,像薄餅的番茄醬汁,多數加入蒜,但這裏特別以南瓜醬取代。素菜原材料都質素不錯,約有一半蔬菜取自本地農場,另採用美國、加拿大素芝士、美國羽衣甘蘭、意大利黑松露醬、歐洲白菌、澳洲露筍、美國士多啤梨,用料達酒店級數。

Tofu-misu $38
以豆腐、豆奶、椰子油等拌勻取代忌廉芝士,做出來的豆腐版 tiramisu 非常細滑,而且卡路里含量比一般 tiramisu 少 1/3,大可放心食啦。試業期間晚市不定期供應。

Veggle 粟米漢堡配炸番薯條 $68
素漢堡扒每天人手搓製,以糙米加入甘筍、洋葱搓勻,甚有嚼勁。炸番薯條亦是亮點,帶點蒜香甚惹味。

全素黑松露雜菌薄餅 $88 (9 吋)
餅底塗上不含五辛的南瓜醬,適合宗教原因素食者,再鋪上雜菌、素芝士和火箭菜,加上黑松露油,大大提味。

自選沙律 $68 (配意大利包及餐湯)
沙律亦見心思,如芒果藜麥沙葛沙律、羽衣甘蘭雜果沙律、綠茶冷麵沙律、紅菜頭合桃沙律等,不同款式每日輪流供應,充滿驚喜。可自選 4-6款。

Womankind 女士調理茶 $22(跟餐免費)
Refresh 提神醒醒茶 $22(跟餐免費)

Veggle Cafe

地址:觀塘成業街 7 號東廣場地下 G13A 及 15 舖
查詢:3565 5077
營業時間:12nn - 9pm(5 月期內試業期間 3-6pm 休息)
備註:不設加一,晚市設訂位服務
平均消費:$70

想睇更多?即上 素菜 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more