瑜珈課素食館聯成

發佈: 2016.06.15
文:

說的是觀塘最近開業的 Dickson Yoga Vegetarian Kitchen ,這店將瑜伽課室跟素食餐廳來個 crossover ,是品牌繼尖沙咀店後第二分店,餐廳部分規模比尖沙咀店更大更齊全。

餐廳概念源自品牌創辦人兼靈魂人物 Dickson ,主打西式全素菜式,並堅持少油少鹽低糖等,保持營養均衡。煮法上,會以天然海鹽取代一般食鹽,以蜂蜜、黃糖代替白砂糖,以十穀飯取代白飯,又會採用橄欖油、意大利黑醋等比較天然健康的調味料。廚師每天逛街市,搜羅新鮮當造食材,並引入多款外國沙律菜、有機無花果等靚食材。

店子現時供應西式及少量中式、日式素食,除了沙律、薄餅、水果排毒餐,更有中東包、泰式沙律、素餡飯、蛋包飯、素餃麵,甚至連素老火湯都有,選擇極豐富。做完瑜珈嘅幫襯得,街外客一樣可以來吃素。

瑜伽排毒餐 $75(包括餐湯)
由老闆兼瑜伽導師 Dickson 設計的排毒餐,包括時令新鮮生果,如火龍果、菠蘿、提子、士多啤梨,及十穀飯、黃肉番薯等,健康輕怡,卻不失飽肚感。

紅菜頭藜麥鮮果沙律 $78(配牛油多士)
賣相非常清新,紅菜頭、藜麥、士多啤梨、橙肉、沙律菜拌入意大利黑醋、蜂蜜,鮮酸開胃。

紫柚梨 $68(左)、涼拌洋薯絲 $78(右)
「紫柚梨」即紫菜天婦羅、柚子蜜醬汁、西柚肉、牛油果、腰豆沙律,清新輕怡,做完 yoga 吃最啱。涼拌洋薯絲加入花椒油調味,帶微辣甚開胃。

天使的禮物 $128(跟湯及沙律)
拆開禮物包,裏面釀有番茄醬天使麵、百葉豆腐、茄子、露筍等,拌勻芝士、黑松露醬來吃,味道豐富。

玫瑰蘋果酥 $48
以蜂蜜取代白糖,加上薄身酥皮,吃落更健康,便唔怕無 quota 吃啦。

Dickson Yoga Vegetarian Bar

地址︰觀塘成業街 6 號泓富廣場 5 樓
查詢︰2138 2777
營業時間︰星期一至五 8:30am - 9:30pm(8:30pm last order),星期六及日 8:30am - 8pm(7pm last order)
備註︰不設加一

想睇更多?即上 素菜 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more