Toolss 2.0 文青打卡勝地

發佈: 2016.05.25
文:

計我話,無論是文青還是偽文青,閒時總愛到cafe飲杯咖啡、睇睇書,石硤尾文具咖啡店Toolss最近於葵芳開分店,面積大咗、賣嘅文具多咗,嘢食選擇更豐富又有創意,油炸鬼夾吞拿魚、爆芝流心豬肉丸,驚喜十足!

位於石硤尾文具咖啡店Toolss,開業不久已經成為文青的眾腳地。近日,cafe進駐葵芳小區開設分店,新店與總店的裝修風格差不多,灰色牆身襯木系枱櫈,簡約自然。門前仲有張長木枱,天氣唔悶熱的日子坐出去歎咖啡,感覺好 relax!

新店面積比總店大得多,擺賣的文具多咗,店主特別預留一面牆身放文具,間尺、筆記薄、鉛筆等乜都有,全部由老闆親自搜羅!

食物方面亦變得更豐富,20多款選擇中,不少得All Day Breakfast,仲可以自由配搭,雞翼、烤三文魚、焗大啡菇配沙律、薯餅或炒蛋,都可以自己話事。新店亦增添不少創意十足嘅菜式,吞拿魚三文治食得多,將麵包變成油炸鬼又試過未?油炸鬼由本地粥店提供,取貨時只炸至7成熟,到有柯打時再炸至全熟。油炸鬼中間吞咗吞拿魚,伴以黑松露沙律醬可以減輕油膩感。要食得邪惡啲?可以揀烤流心芝士豬肉丸,新鮮半肥瘦豬肉手打成豬肉丸,肉質唔會死實實而且有彈性,中間有Brie Cheese餡、豬肉丸經烤焗後,芝士餡變得流心,好吸引呀!

油炸鬼伴吞拿魚 (伴黑松露沙律醬) $58
油炸鬼由本地粥店提供,取貨時只炸至7成熟,到有柯打時再炸至全熟。油炸鬼中間吞咗吞拿魚,伴以黑松露沙律醬可以減輕油膩感。

烤流心芝士豬肉丸 (伴黑松露沙律醬) $58
新鮮半肥瘦豬肉手打成豬肉丸,肉質唔會死實實而且有彈性,中間有Brie Cheese餡、豬肉丸經烤焗後,芝士餡變得流心。

大蝦火腿雞蛋麵包盅 $68
番茄香草麵包是本地烘焙店出品,外表好肉似法包咁脆、中間軟熟又有番茄的酸甜。麵包盅內有Parma Ham、半熟蛋及大蝦,好豐富!

Toolss

地點:葵芳美芳街2-14號昌鴻大廈地下5號舖
營業時間:11am-10pm

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more