一斤魚熬三碗湯!足料鯛魚湯專門店

發佈: 2016.06.02
文:

最近唔同呀,事關呢區開了間以鯛魚湯做招徠的專門店,試過之後發現真係正,成日飲仲健康又美顏添!

在這店坐鎮的堂哥原來已經入行近 40 年,從前曾在水車屋、大和等日本料理店掌廚,「廿幾年前在日本餐廳做 shabu shabu 湯底主要只有清湯同壽喜燒湯底,我見舖頭成日會丟掉大量白身魚骨,索性試做鯛魚湯底,點知一推出就大受歡迎,唔少餐廳都跟住推出,甚至有客想就咁order碗湯飲添!」

最近獲邀擔任這小店的大廚,都以他最驕傲的鯛魚湯做主打,用來配各款湯飯和烏冬吃。先呷啖湯,湯色奶白,膠質豐富,就知這鯛魚湯並非浪得虛名。味道好,全因用料十足,鯛魚之中堂哥只選每條約 2-3 斤重、有「星"魚立"」之稱的"魚立"魚(鯛魚之一種),貪其膠質特別重,魚味鮮濃。每日自相熟魚排取得 60 斤新鮮貨,仲要先原條焗兩個鐘至金黃兼水份收乾,之後用麻油邊炒邊壓碎,再煲最少 10 個鐘先得,工序繁複,一斤魚卻只煲到將 3 碗湯,滴滴都係精華。配飯和烏冬的餸料也有趣,除了日本直送的生蠔、帶子等,堂哥也曾在阿翁鮑魚及其他台灣及餐廳工作,所以也混入了日本菜以外的元素,好似其中一款配料竟是鮑魚、花膠同魚肚!難得有創意得來食落仲同鯛魚湯好 match。驚喜的是,用料優質,一個飯或烏冬都不過係六十幾蚊起跳,學堂哥話齋,係吃得起的奢侈!

鮑魚花膠魚肚飯 $138
賣相好豪!花膠細細隻卻膠質重,魚肚吸滿魚湯,非常入味,鮑魚雖是罐頭貨,也尚算彈牙味鮮。最窩心是飯下點了爐火保溫,食到尾都不怕魚湯冷了變腥。

鯛魚湯飯 $68
鯛魚片切得厚身,是刺身級的貨色,生食或用魚湯浸至半熟先食都 OK,味道鮮甜無渣。至於飯用的是日本米,飽滿帶甜,配魚湯很好吃。

日本帶子烏冬 $68
日本入口的帶子大粒甜美,烏冬可選的手打烏冬或坊間少見的羽衣烏冬,均自日本入口,前者彈牙帶麵粉香,後者賣相似刀削麵,滑溜掛湯。

吉列豬扒烏冬 $78
豬扒有成手掌咁大塊!將厚切的豬扒打鬆後再沾日本的天婦羅粉炸香,食落鬆化不膩。

鯛魚魚湯專門店

地址:鰂魚涌海堤街 6-16 號龍景大廈地下 3A 舖
電話:2618 2696
營業時間: 11am-10pm
收費︰只收現金,設加一
交通:港鐵鰂魚涌站 A 出口
泊車:海光苑$16/hr
平均消費:$80

相關報導:
高檔快餐!皇帝蟹龍蝦虎蝦三文治
小巷 創意心機車仔麵

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more